Agenda and minutes

Mae croeso i chi ddefnyddio’r Gymraeg yn y cyfarfod, mae angen cyfnod hysbysu o leiaf 3 diwrnod gwaith os dymunwch wneud hynny. Darperir cyfieithu ar y pryd os gwneir cais.

Nodwyd na chafwyd unrhyw geisiadau ar gyfer y gwasanaeth cyfieithu ar y pryd.

Derbyn ymddiheuriadau.

Cafwyd ymddiheuriadau am absenoldeb gan:

Prif Swyddog – Masnachol a Chwsmeriaid

Mike Jones, Richard Harries, Alice King a Deborah Woods, Archwilio Cymru.

Derbyn datganiadau buddiant a goddefebau.

Ni adroddwyd unrhyw ddatganiadau buddiant na goddefebau.

Derbyn penderfyniadau’r Pwyllgor Llywodraethiant ac Archwilio a gynhaliwyd ar 12 Gorffennaf 2023.

(Dylid nodi y cyflwynir y penderfyniadau er mwyn pwyntiau cywirdeb yn unig).

Cyflwynwyd penderfyniadau’r Pwyllgor Llywodraethiant ac Archwilio a gynhaliwyd ar 12 Gorffennaf 2023.

PENDERFYNWYD yn unfrydol i dderbyn y penderfyniadau fel cofnod gywir o’r trafodion.

Derbyn y Ddalen Weithredu sy’n deillio o’r cyfarfod a gynhaliwyd ar 12 Gorffennaf 2023.

Cyflwynwyd y Ddalen Weithredu yn deillio o’r cyfarfod a gynhaliwyd ar 12 Gorffennaf 2023. Ar hynny:

Eitem Rhif 7 – Blaenraglen Gwaith 2023/24 – Hyfforddiant Gloywi ar Rôl a Chylch Gorchwyl y Pwyllgor Llywodraethiant ac Archwilio

Nodwyd y cynhelir yr hyfforddiant uchod ddydd Mawrth 10 Hydref 2023 am 9.30am ar MS Teams, felly mae’r cam gweithredu hwn yn awr wedi ei gwblhau.

PENDERFYNWYD yn unfrydol, yn amodol ar yr uchod, i nodi’r Ddalen Weithredu.

Derbyn y flaenraglen gwaith.

Rhoddwyd ystyriaeth i adroddiad Blaenraglen Gwaith arfaethedig 2023/2024.

Rhoddwyd y diweddariad dilynol:

-        Caiff Adroddiad Blynyddol y Pwyllgor Llywodraethiant ac Archwilio ei ystyried gan y Pwyllgor yng nghyfarfod mis Tachwedd. Fodd bynnag, mewn blynyddoedd dilynol caiff yr eitem hon ei chynnwys ar y flaenraglen gwaith ar gyfer mis Medi.

-        Datganiad Cyfrifon 2021/2022 – yn amodol ar i Archwilio Cymru gwblhau ISA 260, rhagwelir y caiff yr adroddiad hwn ei gyflwyno i gyfarfod y Pwyllgor ym mis Hydref ar gyfer ei ystyried.

Yn dilyn pryderon a wnaed gan Aelodau am yr oedi wrth dderbyn Datganiad Cyfrifon 2021/2022 wedi ei gwblhau, dywedodd y Prif Swyddog Adnoddau fod cynrychiolydd o Archwilio Cymru wedi cynnig cwrdd ag Aelodau’r Pwyllgor i roi esboniad o ran y problemau a geir ar hyn o bryd.

PENDERFYNWYD yn unol â hynny.

PENDERFYNWYD YMHELLACH, yn unfrydol ac yn amodol ar yr uchod, i dderbyn yr adroddiad a chymeradwyo Opsiwn 1, sef derbyn y Flaenraglen Gwaith.

Ystyried adroddiad y Rheolwr Archwilio a Risg. 

Rhoddwyd ystyriaeth i adroddiad y Rheolwr Archwilio a Risg

PENDERFYNWYD yn unfrydol i dderbyn yr adroddiad a chymeradwyo Opsiwn 1, sef cymeradwyo’r Siarter Archwilio Mewnol yn unol ag arfer da a gofynion PSIAS.

Ystyried adroddiad yr Arweinydd Proffesiynol, Archwilio Mewnol.

Ystyriodd adroddiad yr Arweinydd Proffesiynol Archwilio Mewnol. Ar hynny:

Adroddiad Archwilio Mewnol – Llety Dros Dro 2022/2023

Oherwydd yr effaith ariannol bosibl ar yr awdurdod lleol a’r diffyg llety tai cymdeithasol yn yr ardal, caiff mater digartrefedd ei drafod yn adrannol i ganfod os dylid cynnwys y mater hwn o fewn y gofrestr risg corfforaethol.

Os yn briodol, yn dilyn yr asesiad risg ac unrhyw fesurau lliniaru posibl, byddir yn rhoi diweddariadau i’r Pwyllgor.

PENDERFYNWYD yn unfrydol, yn amodol ar yr uchod, i dderbyn yr adroddiad a nodi’r cynnydd ar weithgareddau am y cyfnod 1 Ebrill i 30 Mehefin.

Ystyried adroddiad y Prif Swyddog Adnoddau.

Rhoddwyd ystyriaeth i adroddiad y Prif Swyddog Adnoddau.

Nodwyd y byddai  Aelodau yn cael cyfle pellach i roi sylwadau ar fformat y gofrestr risg, y broses rheoli risg a’r wybodaeth a gyflwynwyd yng nghyswllt rôl sicrwydd y Cyngor yn y sesiwn hyfforddiant gloywi ar 10 Hydref 2023.

PENDERFYNWYD yn unfrydol i dderbyn yr adroddiad ac yn dilyn ystyriaeth o’r wybodaeth, rhoddwyd sicrwydd i’r Pwyllgor fod gan y Cyngor drefniadau priodol yn eu lle i reoli risg.