Agenda and minutes

Mae croeso i chi ddefnyddio’r Gymraeg yn y cyfarfod, mae angen o leiaf 3 diwrnod gwaith o hysbysiad os dymunwch wneud hynny. Darperir gwasanaeth cyfieithu ar y pryd os gwneir cais.

Nodwyd na chafwyd unrhyw geisiadau am y gwasanaeth cyfieithu ar y pryd.

Derbyn ymddiheuriadau.

          Cafwyd ymddiheuriadau am absenoldeb gan y Cynghorwyr E. Jones, J. Thomas, D. Wilkshire, D. Woods, Prif Weithredwr Interim a’r Pennaeth Datblygu Sefydliadol.

Ystyried unrhyw ddatganiadau buddiant a goddefebau a gafwyd.

Ni adroddwyd unrhyw ddatganiadau buddiant na goddefebau.

Derbyn cyhoeddiadau’r Cadeirydd.

Ni adroddwyd unrhyw gyhoeddiadau yn y cyfarfod hwn.

Cyflwynwyd y Llyfr Penderfyniadau ar gyfer y cyfnod Mehefin – Medi 2023 i gael ei ystyried.

PENDERFYNWYD yn unfrydol i gymeradwyo a chadarnhau’r penderfyniadau fel cofnod gywir o’r trafodion.

Ystyried ac os credir yn briodol, gadarnhau cofnodion y cyfarfod a gynhaliwyd ar 20 Gorffennaf 2023. 

Cytunwyd.

Cadarnhau penderfyniadau’r cyfarfod o’r Pwyllgor Cynllunio a gymhaliwyd ar 7 Medi 2023.

Cytunwyd.

Cadarnhau penderfyniadau’r cyfarfod o’r Cabinet a gynhaliwyd ar 19 Gorffennaf 2023.

Cytunwyd.

Cadarnhau penderfyniadau’r cyfarfod arbennig o’r Cabinet a gynhaliwyd ar 4 Medi 2023.

Cytunwyd.

Cadarnhau penderfyniadau’r Pwyllgor Craffu Lle a gynhaliwyd ar 20 Mehefin 2023.

Cytunwyd.

Cadarnhau penderfyniadau’r Pwyllgor Craffu Corfforaethol a Pherfformiad a gynhaliwyd ar 22 Mehefin 2023.

Cytunwyd.

Cadarnhau penderfyniadau’r cyfarfod arbennig o’r Pwyllgor Craffu a Chorfforaethol a gynhaliwyd ar 5 Gorffennaf 2023.

Cytunwyd.

Cadarnhau penderfyniadau’r Pwyllgor Llywodraethiant ac Archwilio a gynhaliwyd ar 12 Gorffennaf 2023.

Cytunwyd.

Cadarnhau penderfyniadau y Pwyllgor Craffu Pobl a gynhaliwyd ar 18 Gorffennaf 2023.

Cytunwyd.

Derbyn y Ddalen Weithredu.

Cyflwynwyd y Ddalen Weithredu yn deillio o’r cyfarfod  gynhaliwyd ar 20 Gorffennaf 2023.

PENDERFYNWYD yn unfrydol i nodi’r wybodaeth a gynhwysir yn y Ddalen Weithredu

Derbyn cwestiynau, os oes rhai, gan Aelodau

Ni chafodd unrhyw gwestiynau eu cyflwyno gan Aelodau.

Derbyn cwestiynau, os oes rhai, gan y cyhoedd.

Ni chafodd unrhyw gwestiynau eu cyflwyno gan aelodau o’r cyhoedd.

Ystyried adroddiad y Pennaeth Cydymffurfiaeth Cyfreithiol a Chorfforaethol/Swyddog Monitro.

Rhoddwyd ystyriaeth i adroddiad y Pennaeth Cydymffurfiaeth Cyfreithiol a Chorfforaethol (Swyddog Monitro). Ar hynny:

Paragraff 4.2/Tud. 31 – Y Fframwaith Polisi – Strategaeth Tai

Dywedodd y Pennaeth Cydymffurfiaeth Cyfreithiol a Chorfforaethol er y cynigiwyd yn wreiddiol i ddileu’r cyfeiriad yn y Cyfansoddiad at y Strategaeth Tai, yn dilyn ystyriaeth bellach ac ymgynghoriad gyda’r Aelod Cabinet, cytunwyd y byddai’r Strategaeth Tai yn parhau o fewn y Fframwaith Polisi yn unol â fersiwn 2022 y Cyfansoddiad.

PENDERFYNWYD yn unfrydol, yn amodol ar y diwygiad uchod i dderbyn yr adroddiad a chymeradwyo Opsiwn 1, sef bod y diwygiadau a awgrymir yn cael eu cymeradwyo a’u cynnwys yn y Cyfansoddiad presennol.

Ystyried adroddiad y Prif Swyddog Adnoddau.

Ystyriodd Aelodau adroddiad y Prif Swyddog Adnoddau.

Yn dilyn trafodaeth,

PENDERFYNWYD yn unfrydol i dderbyn yr adroddiad a chymeradwyo Opsiwn 1, sef nodi’r gweithgaredd rheoli trysorlys a wnaethpwyd yn ystod blwyddyn ariannol 2022/23 a derbyn y cofnod perfformiad a chydymffurfiaeth a gyflawnwyd yn ystod y flwyddyn.

Ystyried adroddiad y Prif Swyddog Adnoddau.

Ystyriodd Aelodau adroddiad y Prif Swyddog Adnoddau.

Yn dilyn trafodaeth faith, cynigiwyd:

-        Yng nghyswllt Grantiau Cyfleusterau i’r Anabl, fod cytuno ar opsiynau 2 a 3, yn amodol ar adroddiad pellach yn rhoi manylion dadansoddiad budd cost llawn, yr effaith ar y gyllideb a’r gymuned a rhai sy’n cael budd o’r Grantiau (tra’n sicrhau fod yr addasiadau ar gael ar gyfer y rhai nad oedd â’r modd i dalu) ynghyd â’r cyflymder y gellid ymateb i geisiadau.

-        Cynnal trafodaeth drawsbleidiol bellach ar yr holl raglen cyfalaf.

PENDERFYNWYD ymhellach, yn amodol ar yr uchod, i dderbyn yr adroddiad a chymeradwyo Opsiwn 1, sef dyrannu adnoddau cyfalaf i’r cynlluniau blaenoriaeth/prosiectau a ddynodwyd ac a fanylir yn yr adroddiad, h.y.

Gwaith Gwella Priffyrdd – Cymeradwyo Opsiwn 2 h.y dyrannu  £500,000 ar gyfer 2023/2024.

Grantiau Cyfleusterau i’r Anabl – Cymeradwyo Opsiynau 2 a 3, h.y. cynyddu’r dyraniad cyfalaf i £400,000 y flwyddyn (ar gyfer 2023/24 a 2024/25) a rhoi ystyriaeth i ailosod yr elfen prawf modd ar gyfer y broses gais.

Trosglwyddo Asedau Cymunedol, Grantiau Cartrefi Gwag, Ysgol Glyncoed – Llinell Draeniad Storm, dymchwel Ysgol Pen-y-Cwm (hen safle) ac Ardaloedd Chwarae – Cymeradwyo Opsiwn 2 a dyrannu cyllid ar gyfer yr amcangyfrif symiau fel sy’n dilyn:

-        Trosglwyddo Asedau Cymunedol - £140,000

-        Grantiau Eiddo Gwag - £100,000

-        Llinell Draeniad Storm Ysgol Glyncoed - £100,000

-        Dymchwel Ysgol Pen-y-Cwm (hen safle) -  £200,000

-        Ardaloedd Chwarae - £50,000

Canolfan Ddinesig, Glynebwy – Dymchwel - £500,000 i gael ei dyrannu o’r adnoddau cyfredol.

Ystyried adroddiad y Rheolwr Tîm – Golwg Strydoedd.

Rhoddwyd ystyriaeth i adroddiad y Rheolwr Tîm – Golwg Strydoedd.

PENDERFYNWYD yn unfrydol i dderbyn yr adroddiad a chymeradwyo Opsiwn 1, h.y. cefnogi mabwysiadu Cynllun Cynnal a Chadw Asedau priffyrdd 2023-2028.

Ystyried adroddiad y Cyfarwyddwr Corfforaethol Interim Gwasanaethau Cymdeithasol.

Rhoddwyd ystyriaeth i adroddiad y Cyfarwyddwr Corfforaethol Interim Gwasanaethau Cymdeithasol.

PENDERFYNWYD yn unfrydol i dderbyn yr adroddiad a chymeradwyo Opsiwn 1, h.y. cymeradwyo Adroddiad Blynyddol 2022/2023 y Cyfarwyddwr Gwasanaethau Cymdeithasol ar gyfer ei gyhoeddi.

Ystyried adroddiad Cyfarwyddwr Corfforaethol Interim Addysg.

Ystyriodd Aelodau adroddiad y Cyfarwyddwr Corfforaethol Interim Addysg.

PENDERFYNWYD yn unfrydol i dderbyn yr adroddiad a chymeradwyo Opsiwn 1, sef derbyn y dilynol:

·       yr adroddiad Gwrthwynebiadau, gyda thystiolaeth o’r Hysbysiad Statudol (Atodiad 1) a chymeradwyaeth grantiau i symud ymlaen i’r cam gweithredu a

·       yr achos busnes llawn (Atodiad 2) yng nghyswllt gweithredu’r canolfannau adnoddau o fis Medi 2023 ymlaen.

Ystyried yr adroddiad a atodir.

Panel Ymgynghorol ar gyfer Llywodraethwyr Ysgol

Gwnaed yr argymhellion dilynol gan y Panel ar 13 Medi 2023 i benodi mewn egwyddor:

Ysgol Gynradd Trehelyg – Sian Barrett

Ysgol Gynradd Ystruth – Melanie Rogers

Ysgol Gynradd Cwm – Natalie Marshall

Ysgol Gynradd Coed-y-Garn – Joan Price

Ysgol Sefydliadol Brynmawr – Gail Watkins

PENDERFYNWYD yn unfrydol i gymeradwyo’r penodiadau uchod.

Pwyllgor Cyswllt Cynghorau Tref/Cymuned

PENDERFYNWYD sefydlu Pwyllgor Cyswllt Cynghorau Tref/Cymuned gyda’r aelodaeth ddilynol:

Arweinydd/Aelod Cabinet – Trosolwg Corfforaethol a  Pherfformiad (Cadeirydd)

Dirprwy Arweinydd/Aelod Cabinet – Lle ac Amgylchedd

Aelod Cabinet – Lle ac Adfywio a Datblygu Economaidd

Aelod Cabinet – Pobl ac Addysg

Aelod Cabinet – Pobl a Gwasanaethau Cymdeithasol