Agenda and minutes

Mae croeso i chi ddefnyddio’r Gymraeg yn y cyfarfod. Mae gofyn rhoi rhybudd o 3 diwrnod gwaith o leiaf os byddwch yn dymuno gwneud hynny. Bydd gwasanaeth cyfieithu ar y pryd yn cael ei ddarparu os gofynnir.

Nodwyd nad oedd unrhyw geisiadau wedi dod i law am y gwasanaeth cyfieithu ar y pryd.

Eu cael.

Cafwyd yr ymddiheuriadau canlynol am absenoldeb:-

Cyd-Brif Weithredwr

Prif Swyddog Cwsmeriaid a Masnachol

Pennaeth Datblygu Sefydliadol

Eu cael.

Ni hysbyswyd ynghylch unrhyw ddatganiadau o fuddiant na goddefebau.

Ymateb i unrhyw gwestiynau a godir gan y Pwyllgor yn dilyn penderfyniad y Cabinet ynghylch yr Adolygiad o Strategaeth y Gweithlu a’r adroddiad ar Gynllun Gweithredu Blwyddyn 4.

Fe wnaeth yr Aelod Cabinet – Corfforaethol a Pherfformiad ymateb i gwestiynau a godwyd gan y Pwyllgor yn dilyn penderfyniad y Cabinet ynghylch yr adroddiad ar Adolygiad a Chynllun Gweithredu Blwyddyn 4 Strategaeth y Gweithlu.

Fe wnaeth y Cynghorydd S. Thomas adael y cyfarfod ar yr adeg hon.

Ystyried penderfyniadau’r Pwyllgor Craffu Corfforaethol a Pherfformiad a gynhaliwyd ar 6 Chwefror 2025.

(D.S. Cyflwynir y Penderfyniadau ar gyfer pwyntiau o gywirdeb yn unig)

Rhoddwyd ystyriaeth i benderfyniadau’r Cyfarfod a gynhaliwyd ar 6 Chwefror 2025.

CYTUNODD y Pwyllgor i dderbyn y penderfyniadau fel cofnod cywir o’r trafodion.

Ystyried penderfyniadau’r Pwyllgor Craffu Corfforaethol a Pherfformiad Arbennig a gynhaliwyd ar 7 Chwefror, 2025.

(D.S. Cyflwynir y Penderfyniadau ar gyfer pwyntiau o gywirdeb yn unig)

Rhoddwyd ystyriaeth i benderfyniadau’r Cyfarfod a gynhaliwyd ar 7 Chwefror 2025.

CYTUNODD y Pwyllgor i dderbyn y penderfyniadau fel cofnod cywir o’r trafodion.

Ei chael

Rhoddwyd ystyriaeth i’r Ddalen Weithredu.

Cynigiodd un o’r Aelodau fod yr argymhelliad ynghylch wythnos 4 diwrnod yn dal i fod yn ystyriaeth wrth ddatblygu Strategaeth newydd y Gweithlu, a bod Aelodau o’r Pwyllgor yn ystyried sefydlu Gweithgor Aelodau i’w gynnwys yn y Flaenraglen fel rhan o waith parhaus yn erbyn adroddiad Adolygiad a Chynllun Gweithredu Blwyddyn 4 Strategaeth y Gweithlu ar gyfer cylch 2025/26.

Cafodd y cynnig hwn ei gefnogi a’i dderbyn i gael ei gynnwys ar y Ddalen Weithredu.

CYTUNODD y Pwyllgor, yn amodol ar yr uchod, i dderbyn yr adroddiad ac fe nododd yr wybodaeth a oedd wedi ei chynnwys ynddo.

Ystyried adroddiad Cyfarwyddwr Corfforaethol y Gwasanaethau Corfforaethol.

Rhoddwyd ystyriaeth i adroddiad Cyfarwyddwr Corfforaethol y Gwasanaethau Corfforaethol.

CYTUNODD y Pwyllgor i dderbyn yr adroddiad ac argymhellodd fod y Cyngor yn cymeradwyo mabwysiadu’r canlynol (Opsiwn 1):-

·                 Y Strategaeth Gyfalaf a oedd wedi ei hatodi yn Atodiad 1.

·                 Y Ddogfen Polisi a Gweithdrefn Lesoedd a oedd wedi ei           hatodi yn Atodiad A.

·                 Gostyngiad yn y terfyn de minimis ar gyfer gwariant cyfalaf           o £50,000 i £10,000 a gymhwysir yn ôl-weithredol o 1 Ebrill           2023.

Ystyried adroddiad y Rheolwr Gwasanaeth Polisi a Phartneriaethau.

Rhoddwyd ystyriaeth i adroddiad y Rheolwr Gwasanaeth – Polisi a Phartneriaethau.

CYTUNODD y Pwyllgor i dderbyn yr adroddiad ac fe gefnogodd yr Adroddiad Blynyddol drafft ar y Cynllun Cydraddoldeb Strategol 2024/25 cyn ei gyhoeddi (1 Ebrill 2025) (Opsiwn 1).

Ystyried adroddiad Cyfarwyddwr Corfforaethol y Gwasanaethau Corfforaethol.

Rhoddwyd ystyriaeth i adroddiad Cyfarwyddwr Corfforaethol y Gwasanaethau Corfforaethol.

CYTUNODD y Pwyllgor i dderbyn yr adroddiad a bod Aelodau wedi ystyried y Datganiad Blynyddol ar y Strategaeth Trysorlys a’r Strategaeth Fuddsoddi Flynyddol a’r Datganiad Polisi Isafswm Darpariaeth Refeniw ar gyfer blwyddyn ariannol 2025/2026 a’r Dangosyddion Darbodus Rheoli Trysorlys a oedd wedi’u cynnwys ynddynt (Atodiad A) ac nad ydynt yn ystyried bod angen gwneud unrhyw newidiadau, cyn eu cyflwyno i’r Cyngor i gael eu cymeradwyo’n ffurfiol (Opsiwn 2).