Agenda and minutes

Mae croeso i chi ddefnyddio’r Gymraeg yn y cyfarfod. Mae gofyn rhoi rhybudd o 3 diwrnod gwaith o leiaf os byddwch yn dymuno gwneud hynny. Bydd gwasanaeth cyfieithu ar y pryd yn cael ei ddarparu os gofynnir.

Nodwyd nad oedd unrhyw geisiadau wedi dod i law am y gwasanaeth cyfieithu ar y pryd.

Eu cael.

Cafwyd ymddiheuriadau am absenoldeb oddi wrth y canlynol:

Y Cynghorwyr D. Bevan, M. Day, S. Edmunds, G. Thomas,  Cyfarwyddwr Corfforaethol y Gwasanaethau Adfywio a Chymunedol a Chyfarwyddwr Corfforaethol Interim y Gwasanaethau Cymdeithasol.

Ystyried unrhyw ddatganiadau o fuddiant a goddefebau a wnaed.

Ni hysbyswyd ynghylch unrhyw ddatganiadau o fuddiant na goddefebau.

Ystyried adroddiad Cyfarwyddwr Corfforaethol y Gwasanaethau Corfforaethol.

Rhoddwyd ystyriaeth i adroddiad Cyfarwyddwr Corfforaethol y Gwasanaethau Corfforaethol.

Gyda hynny, yn unfrydol,

PENDERFYNWYD derbyn yr adroddiad a chefnogi Opsiwn 1, sef:

-        Cymeradwyo’r Penderfyniad yngl?n â’r Dreth Gyngor, y manylir arno isod.

-        Cymeradwyo’r gofyniad cyllidebol statudol o £197,805,630.

5.1.2 Cytunodd y Cyngor yn ei gyfarfod ar 20 Chwefror 2025 y byddai cynnydd o 4.95% yn y Dreth Gyngor ar gyfer blwyddyn ariannol 2025/2026. O ganlyniad, byddai elfen Cyngor Blaenau Gwent o’r Dreth Gyngor lawn a godir fel a ganlyn:-

5.1.3 Yn ei gyfarfod ym mis Rhagfyr 2024 fe gytunodd y Cyngor y byddai sylfaen y Dreth Gyngor at ddibenion pennu’r dreth yn 21,197.98 ar gyfer 2025/26, sef cyfanswm yr anheddau trethadwy ym mhob ardal wedi ei addasu ar gyfer nifer o eitemau, e.e. disgowntiau sy’n daladwy, wedi ei luosi â’r gyfradd gasglu dybiedig o 95.5%.

5.1.4 Hefyd, yn unol â Rheoliad 6 yn Rheoliadau Awdurdodau Lleol (Cyfrifo Sylfaen y Dreth Gyngor) 1992, roedd swm ei sylfaen Treth Gyngor am y flwyddyn ar gyfer anheddau yn y rhannau hynny o’i ardal y mae un neu fwy nag un eitem arbennig yn berthnasol iddynt fel a ganlyn:

5.1.5  Mae’r uchod yn cynrychioli nifer yr anheddau trethadwy y byddai’r praesept Cynghorau Tref a Chymuned yn berthnasol iddynt.

5.1.7 Y dylai’r symiau canlynol gael eu cyfrifo yn awr gan y Cyngor ar gyfer y flwyddyn 2025/2026 yn unol ag Adrannau 32 i 36 Deddf Cyllid Llywodraeth Leol 1992 ac adrannau 47 a 49 Deddf Llywodraeth Leol 1988 (fel y’i diwygiwyd):

Ystyried adroddiad y Gwasanaeth Cynghori Cenedlaethol a’r Rheolwr Argyfyngau Sifil.

Rhoddodd yr aelodau ystyriaeth i adroddiad Cyfarwyddwr Corfforaethol y Gwasanaethau Corfforaethol.

Yn unfrydol.

PENDERFYNWYD derbyn yr adroddiad a mabwysiadu’r Siarter i Deuluoedd sydd wedi Dioddef Profedigaeth trwy Drychineb Cyhoeddus (Siarter Hillsborough) a hyrwyddo amgylchedd tryloyw a chefnogol ar gyfer teuluoedd sydd wedi dioddef profedigaeth trwy drychineb cyhoeddus fel a amlinellir yn y Siarter. Ymgorffori’r egwyddorion mewn adolygiadau o bolisi, gweithdrefnau, hyfforddiant a diwylliant y sefydliad.

Ystyried y Cynnig sydd wedi ei atodi.

Rhoddwyd ystyriaeth i’r Cynnig a enwir uchod.

Yn unfrydol,

PENDERFYNWYD fod y Cyngor:

A.       Yn cefnogi egwyddor yr hawliad cyflog a gyflwynwyd gan UNSAIN, GMB ac Uno ar ran gweithwyr cyngor ac ysgolion, gan gydnabod hefyd bod rhaid i unrhyw ddyfarniad cyflog gael ei gyllido’n llawn gan lywodraeth ganolog i osgoi gosod straen ariannol ychwanegol ar awdurdodau lleol.

B.       Yn galw ar y Gymdeithas Llywodraeth Leol i gyflwyno sylwadau brys i lywodraeth ganolog i gyllido hawliad cyflog y Cyd-gyngor Cenedlaethol yn llawn.

C.      Yn ysgrifennu at y Canghellor a’r Ysgrifennydd Gwladol i alw am godiad cyflog a gyllidir yn briodol ar gyfer gweithwyr llywodraeth leol, gan sicrhau bod unrhyw ddyfarniad yn cael ei gyllido ag arian newydd gan lywodraeth ganolog.

D.      Yn cwrdd â chynrychiolwyr lleol undebau’r Cyd-gyngor Cenedlaethol i gyfleu cefnogaeth i egwyddor cyflog teg a thrafod ffyrdd ymarferol y gallai’r Cyngor ddadlau dros gyllido dyfarniadau cyflog yn briodol.

E.       Yn annog yr holl weithwyr llywodraeth leol i ymuno ag undeb.

Cael ac ystyried yr adroddiad canlynol a oedd, ym marn y swyddog priodol, yn eitem esempt gan ystyried prawf budd y cyhoedd ac y dylai’r wasg a’r cyhoedd gael eu heithrio o’r cyfarfod (roedd y rheswm dros y penderfyniad ar gyfer yr esemptiad ar gael ar atodlen a gynhelir gan y swyddog priodol).

Ystyried adroddiad y Rheolwr Gwasanaeth, Pobl Ifanc a Phartneriaethau.

Fe ymunodd y Cynghorydd K. Chaplin a’r Cyfarwyddwr Corfforaethol Addysg â’r cyfarfod ar yr adeg hon.

Gan ystyried y farn a fynegwyd gan y Swyddog Priodol ynghylch prawf budd y cyhoedd sef, at ei gilydd, bod budd y cyhoedd trwy gynnal yr esemptiad yn gwrthbwyso budd y cyhoedd pe datgelid yr wybodaeth ac y dylai’r adroddiad fod yn esempt.

PENDERFYNWYD y dylid eithrio’r cyhoedd tra bo’r eitem fusnes hon yn cael ei thrafod gan ei bod hi’n debygol y byddai gwybodaeth yn cael ei datgelu sy’n esempt yn ôl y diffiniad ym Mharagraff 14, Atodlen 12A Deddf Llywodraeth Leol 1972 (fel y’i diwygiwyd).

Rhoddodd yr aelodau ystyriaeth i adroddiad y Rheolwr Gwasanaeth ar gyfer Pobl Ifanc a Phartneriaethau.

Fe ymunodd y Cynghorwyr J. Millard a J. Thomas â’r cyfarfod tra’r oedd yr eitem hon yn cael ei thrafod.

Cynigiodd Arweinydd y Cyngor fod Opsiwn 1 yn cael ei gymeradwyo ynghyd â’r argymhelliad ychwanegol canlynol:

-        Bod y Prif Weithredwr yn cael gorchwyl i sicrhau adolygiad annibynnol o’r arlwy ddiwylliannol a hamdden ledled Blaenau Gwent y byddir yn adrodd yn ôl wrth y Cyngor ar ei ganlyniadau. Byddai aelodau’n rhan o’r broses adolygu.

Yn unfrydol,

PENDERFYNWYD, yn amodol ar yr uchod, derbyn yr adroddiad a oedd yn cynnwys gwybodaeth am faterion ariannol neu fusnes unrhyw berson arbennig (gan gynnwys yr awdurdod sy’n meddu ar yr wybodaeth honno) a hefyd:

-        Cymeradwyo Opsiwn 1, sef cymeradwyo’r cymorth ariannol ychwanegol i’r sefydliad gyda chynnydd mewn cyllid yn ystod y flwyddyn i’r Ffi Reoli hyd at £0.6m, a

-        Rhoi gorchwyl i’r Prif Weithredwr sicrhau adolygiad annibynnol o’r arlwy ddiwylliannol a hamdden ledled Blaenau Gwent y byddir yn adrodd yn ôl wrth y Cyngor ar ei ganlyniadau. Byddai aelodau’n rhan o’r broses adolygu.