Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o hysbysiad ymlaen llaw os dymunwch wneud hynny. Darperir gwasanaeth cyfieithu ar y pryd os gwneir cais.

Nodwyd na dderbyniwyd unrhyw geisiadau ar gyfer y gwasanaeth cyfieithu ar y pryd.

Derbyn ymddiheuriadau.

Adroddwyd ymddiheuriadau am absenoldeb ar gyfer y Cynghorwyr M. Cross a J.P. Morgan.

Derbyn datganiadau buddiant a goddefebau.

Adroddwyd y datganiad dilynol o fuddiannau.

Cynghorydd W. Hodgins – Eitem Rhif 6 Adolygiad Perfformiad Bargen Ddinesig Prifddinas-Ranbarth Caerdydd 2020/21 Ch4

Derbyn cofnodion y cyfarfod o’r Pwyllgor Craffu Adfywio a gynhaliwyd ar 24 Mawrth 2021.

(Dylid nodi y cyflwynwyd y cofnodion er pwyntiau cywirdeb yn unig).

Cyflwynwyd cofnodion y cyfarfod o’r Pwyllgor Craffu Adfywio a gynhaliwyd ar 24 Mawrth 2021.

CYTUNODD y Pwyllgor i gadarnhau’r cofnodion.

Nid oedd unrhyw gamau gweithredu yn deillio o gyfarfod y Pwyllgor Craffu Adfywio a gynhaliwyd ar 24 Mawrth 2021.

Cyflwynwyd y Ddalen Weithredu yn deillio o gyfarfod y Pwyllgor Craffu Adfywio a gynhaliwyd ar 24 Mawrth 2021.

CYTUNODD y Pwyllgor i nodi’r Ddalen Weithredu.

Ystyried adroddiad y Rheolwr Gyfarwyddwr.

Rhoddwyd ystyriaeth i adroddiad y Rheolwr Gyfarwyddwr.

Cyflwynodd y Pennaeth Adfywio a Datblygu adolygiad perfformiad Bargen Ddinesig Prifddinas-Ranbarth Caerdydd am chwarter 4, yn erbyn prosiectau yn ymwneud â buddsoddiad ym Mlaenau Gwent yn ystod yr ychydig fisoedd diwethaf. Mae’r adroddiad yn rhoi sylw i raglenni allweddol gwaith ym Mlaenau Gwent a chynnydd y rhaglen ar y targedau allweddol a ddynodwyd o fewn Cynllun Busnes Prifddinas-Ranbarth Caerdydd ar gyfer 2020/21.

Aeth y Swyddog drwy’r adroddiad a thynnu sylw at y prif bwyntiau ynddo.

Cyfeiriodd Aelod at adran 2.15 yr adroddiad a gofynnwyd os y cysylltwyd gyda chwmnïau tacsi, ac os felly os y dangoswyd unrhyw ddiddordeb mewn manteisio ar y cyfle i dreialu tacsi trydan.

Mewn ymateb, cadarnhaodd y Swyddog y cafodd y tacsis eu derbyn yn yr ychydig wythnosau diwethaf. Fodd bynnag, dywedodd y byddai’n gwirio os oedd Tîm Trwyddedu Tacsis y Cyngor wedi cylchredeg gohebiaeth i gwmnïau tacsi.

Cadarnhaodd yr Arweinydd Tîm Cyfleoedd Adfywio y trefnwyd nifer o ddigwyddiadau ymgysylltu rhithiol, ac mae’r Tîm Trwyddedu yn cysylltu â gyrwyr tacsi yn yr ardal. Hefyd, fel rhan o hyrwyddiad ehangach, byddai lansio’r cynllun tacsi newydd yn cyd-daro gyda lansiad gorsaf bysus newydd Merthyr a gwelliannau i’r safle tacsi ar ddiwedd mis Mai 2021.

Cyfeiriodd Aelod arall at y gwelliannau i’r ddolen rheilffordd a’r benthyciad o £70m, a dywedodd fod yr adroddiad yn awgrymu y cafodd peth o’r arian ei wario eisoes. Deallai y bwriedir cael trafodaethau gydag awdurdodau lleol eraill am gyfraniad posibl. Dywedodd hefyd y byddai dolen rheilffordd o Frynmawr i Bontyp?l yn fwy manteisiol i breswylwyr Blaenau Gwent, gan roi dolen i Gwmbrân a Chasnewydd, a gofynnodd os gwnaed unrhyw gynnydd yng nghyswllt hyn.

Esboniodd y Pennaeth Adfywio a Datblygu fod y £70m yn gyllid ar wahân a gaiff ei rannu rhwng pob awdurdod lleol i gynnal prosiectau ychwanegol, wrth ochr adnewyddu rheilffyrdd. Yn nhermau dolen reilffordd rhwng Brynmawr a Phontyp?l, nid oedd gan y swyddog unrhyw wybodaeth ond cyfeiriodd y Pwyllgor ar adran 2.16 yr adroddiad sy’n dweud bod gwasanaethau i Gaerdydd a Chasnewydd yn cael eu profi yn fanwl ar hyn o bryd, fel y byddai dolen i Gasnewydd yn y dyfodol.

Nododd Aelod fod adran 2.6 yn dweud bod y gwaith dylunio ar gyfer Abertyleri yn dod o gyllid Prifddinas-Ranbarth Caerdydd. Fodd bynnag, gofynnodd pwy fyddai’n talu am y gwaith am y cynnydd yn y gwasanaeth i Lynebwy ac os y byddai hyn yn dod o’r benthyciad £70m.

Esboniodd y Swyddog fod y benthyciad £70m ar gyfer gwaith gwella llinell. Nid yw’r gwaith sy’n mynd rhagddo ar y rhwydwaith ar hyn o bryd, h.y. gwelliannau Crymlyn, yn rhan o’r £70m; fodd bynnag, mae peth o’r gwaith dylunio yn rhan o gyllid Prifddinas-Ranbarth Caerdydd. Mae’r £70m ar gyfer gwaith penodol ar reilffordd Cwm Ebwy i gynyddu’r gwasanaeth i 2 drên yr awr i ddechrau, ac yna gysylltu gyda chyhoeddiad Llywodraeth Cymru y dylai Blaenau’r Cymoedd gael 4 trên yr awr.

Mewn ymateb, gofynnodd yr Aelod am ddadansoddiad o’r gwahanol ffrydiau cyllid. Gofynnodd hefyd os  ...  view the full Cofnodion text for item 6.

Ystyried adroddiad Rheolwr Tîm Cyfleoedd Adfywio.

Rhoddwyd ystyriaeth i adroddiad y Rheolwr Tîm Cyfleoedd Adfywio.

Cyflwynodd yr Arweinydd Tîm yr adroddiad sy’n rhoi diweddariad ar gynnydd prosiect Catalydd GovTech, sy’n gronfa £20m gan Wasanaethau Digidol Llywodraeth y Deyrnas Unedig i weithio gyda chyflenwyr i ddatrys problemau sector cyhoeddus yn defnyddio technoleg ddigidol flaengar

Cyflwynodd Adran Adfywio y Cyngor nifer o syniadau prosiect i dîm Catalydd GovTech ac yn 2018 gwahoddwyd Cyngor Bwrdeistref Sirol Blaenau Gwent i gydweithio ar hyn gyda Chyngor Swydd Durham ar brosiect dan y teitl “Data deallus i drawsnewid darpariaeth gwasanaethau cyngor”. Byddai’r prosiect yn edrych sut y gellid defnyddio asedau presennol, tebyg i gerbydau’r Cyngor, i gefnogi a gwella sut ydym yn darparu ein gwasanaethau.

Aeth y Swyddog drwy’r adroddiad a thynnu sylw at bwyntiau ynddo.

Mewn ymateb i gwestiwn gan Aelod, cadarnhaodd yr Arweinydd Tîm y gellid defnyddio’r dechnoleg mewn unrhyw gerbyd, yn cynnwys cerbydau ailgylchu a sbwriel y Cyngor.

Dilynodd trafodaeth fer pan gadarnhaodd y swyddog y byddai cyfle i fireinio’r dechnoleg yn y dyfodol i drin materion eraill.

CYTUNODD y Pwyllgor i argymell derbyn yr adroddiad a nodi cynnydd y prosiect, a darparu adroddiad pellach ar ganlyniad y prosiect.

Ystyried adroddiad y Prif Swyddog Prosiectau.

Rhoddwyd ystyriaeth i adroddiad y Prif Swyddog Prosiectau Cyfleoedd Adfywio.

Cyflwynodd Arweinydd Tîm Cyfleoedd Adfywio yr adroddiad sy’n rhoi diweddariad cynnydd ar Uned Fusnes Rhodfa Calch a chynllun Boxworks ar hen safle’r Gweithfeydd.

Siaradodd y Swyddog am yr adroddiad a thynnodd sylw at bwyntiau ynddo.

Gofynnodd Aelod os y gallai’r Cyngor ad-hawlio’r gwariant o gronfa cymorth Covid a hefyd os oes gwarant y bydd y Cyngor yn adennill yr arian a wariwyd yn ystod cyfnod oes 15 mlynedd yr unedau.

Cadarnhaodd y Rheolwr Gwasanaeth Busnes ac Adfywio fod y Cyngor yn gweithio’n agos gyda Llywodraeth Cymru ar y ddau brosiect a chaiff pob opsiwn eu hymchwilio ar ran y gorwariant.

Dywedodd Aelod y dylid cynnwys y galw am holl unedau’r Cyngor ar flaen-raglen waith y Pwyllgor Craffu, gan iddi dderbyn cwynion am gyflwr rhai o’r unedau a’r cynnydd mewn rhent.

Cadarnhaodd y Cadeirydd y caiff portffolio unedau diwydiannol y Cyngor ei gynnwys ar y Flaenraglen Gwaith.

Esboniodd yr Arweinydd Tîm, pan gaiff y datblygiadau ar gyfer y ddau brosiect eu cyflwyno, y cynhelir dadansoddiad galw yn yr ardal o ran yr unedau sydd eisoes yn eu lle, y lefel o ddiddordeb a lle gallem ateb y galw. Mae unedau Boxworks yn ddarpariaeth wahanol i unrhyw beth arall yn y Fwrdeistref ac o’r dadansoddiad galw rydym yn rhagweld galw yn seiliedig ar ymholiadau a gawsom ac na fu modd i ni eu diwallu.

Cyfeiriodd y Swyddog at adroddiad y ‘Parc Cyflogaeth’ ar yr agenda blaenorol a chadarnhaodd yr edrychwyd eto ar y dadansoddiad o’r galw fel rhan o’r gwaith hwnnw, a bod tystiolaeth yn dangos galw am unedau llai tebyg i Boxworks.

Gofynnodd Aelod arall os sefydlwyd unrhyw gostau rhent a ph’un a fyddai unrhyw derfyn amser ar rent yr unedau.

Dywedodd y Rheolwr Gwasanaeth Busnes ac Adfywio ei bod yn bwysig i gynnig hyblygrwydd o ran hyd y cyfnod rhentu. Datblygwyd opsiynau o amgylch trefniant trwydded 6 mis ac opsiwn estynedig, a rhagwelir cynnydd yn y galw fel canlyniad i’r newid mewn trefniadau gwaith oherwydd pandemig Covid.

Yn nhermau costau rhent ac yn y blaen, dywedodd fod hyn yn seiliedig ar asesiadau cyfradd marchnad ac y byddai’n cynnwys costau parhaus ar gyfer yr unedau.

Dilynodd trafodaeth fer pan ddywedodd y Rheolwr Gwasanaeth y bwriedir darpariaeth hyblyg ar gyfer yr unedau blwch i alluogi busnesu newydd bach i rentu ar sail tymor byr, ond hefyd i ddatblygu dilyniant a rhoi cefnogaeth i alluogi’r busnesau hynny wrth iddynt dyfu a’u bod angen mwy o ofod, i symud i unedau presennol mwy o fewn y Fwrdeistref.

CYTUNODD y Pwyllgor i argymell derbyn r adroddiad a:

        i.            Nodi’r cynnydd a wnaethpwyd hyd yma gydag Uned Fusnes Rhodfa Calch a hefyd Boxworks, gyda disgwyl cwblhad terfynol ym Mehefin 2021; a

      ii.            Nodi y cyflwynir adroddiad cau manwl i’r Pwyllgor Craffu yn ddiweddarach eleni, hefyd yn cynnwys canfyddiadau o adroddiad ymgynghoriaeth Wavehill, sy’n amod cyllid WEFO.