Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o hysbysiad ymlaen llaw os dymunwch wneud hynny. Darperir gwasanaeth cyfieithu ar y pryd os gwneir cais.

Nodwyd na dderbyniwyd unrhyw geisiadau ar gyfer y gwasanaeth cyfieithu ar y pryd.

Derbyn ymddiheuriadau.

Derbyniwyd yr ymddiheuriadau dilynol am absenoldeb:-

Rheolwr Gyfarwyddwr

Prif Swyddog Masnachol

Cyfarwyddwr Corfforaethol Gwasanaethau Cymdeithasol

Derbyn datganiadau buddiant a goddefebau.

Ni wnaed unrhyw ddatganiadau buddiant a goddefebau.

Ystyried cofnodion y cyfarfod o’r Pwyllgor Gweithredol a gynhaliwyd ar 16 Mehefin 2021.

Rhoddwyd ystyriaeth i gofnodion y cyfarfod a gynhaliwyd ar 16 Mehefin 2021.

PENDERFYNWYD cadarnhau’r cofnodion.

Ystyried adroddiad y Cyfaryddwr Corfforaethol Addysg.

Rhoddwyd ystyriaeth i’r adroddiad ar y cyd gan y Cyfarwyddwr Corfforaethol Addysg a’r Rheolwr Gwasanaeth – Addysg a Thrafnidiaeth.

Dywedodd y Cyfarwyddwr Corfforaethol Addysg fod yr adroddiad yn rhoi trosolwg manwl o’r ymgynghoriad statudol a gynhaliwyd gan y Gyfarwyddiaeth Addysg ar y cynnig i ymestyn capasiti Ysgol Arbennig Pen-y-Cwm. Yn dilyn yr ymgynghoriad, gofynnwyd am benderfyniad gan y Pwyllgor Gweithredol yn unol â’r cynnig i symud ymlaen i’r cam Hysbysiad Statudol.

Siaradodd y Cyfarwyddwr Corfforaethol am yr adroddiad a nododd elfennau’r ad-drefnu ysgol a dywedodd bod angen cynnal ymgynghoriad ffurfiol er mwyn cynyddu capasiti Ysgol Arbennig Pen-y-Cwm gan fod y Cyngor wedi cynnig cynyddu capasiti disgyblion gan dros 10% (o 120 i 175). Rhoddwyd trosolwg o’r ymgysylltu â’r cyhoedd, ymatebion ysgrifenedig a nododd y Cyfarwyddwr Corfforaethol ddata’r ohebiaeth a dderbyniwyd o ran lefel y gefnogaeth ar gyfer y cynnig:-

·         Cefnogi’r cynnig yn llawn - 9 (82%)

·         Cefnogi’r cynnig yn rhannol - 1 (9%)

·         Dim yn cefnogi’r cynnig - 1 (9%)

Adroddwyd ymhellach y bu ymgysylltu cyfryngau cymdeithasol helaeth, sy’n dangos y gefnogaeth fawr. Cyfeiriodd y Cyfarwyddwr Corfforaethol hefyd at yr ymgynghoriad a gynhaliwyd gyda’r Fforwm Ieuenctid, y Cyngor Ysgol ac Estyn. Yn nhermau’r dadansoddiad thematig, amlinellodd y Cyfarwyddwr Corfforaethol y prif themâu a ddeilliodd o’r dadansoddiad o ymatebion, fel sy’n dilyn:--

·         Darpariaeth/cyfleusterau arbenigol – 17

·         Galw cynyddol – 16

·         Effaith hirdymor –15

I gloi, cydnabu’r Cyfarwyddwr Corfforaethol mai cyfradd ymateb cymharol isel fu i’r ymgynghoriad, fodd bynnag nid yw ymateb isel yn anarferol lle mae lefelau uchel o gymorth. Teimlwyd fod yr ymgynghoriad yn dangos fod cefnogaeth eang i gynyddu’r capasiti presennol yn Ysgol Arbennig Pen-y-Cwm.

Croesawodd yr Aelod Gweithredol Addysg yr ymateb a gafwyd gan fod nifer o fanteision mewn ymestyn capasiti, yn neilltuol y byddai cynyddu capasiti yn galluogi mwy o blant i gael eu haddysgu yn nes at eu cartrefi.

PENDERFYNWYD derbyn yr adroddiad gyda dogfennau cysylltiedig a chytunwyd i symud ymlaen i Hysbysiad Statudol (Opsiwn 1).