Agenda item

Ystyried adroddiad yr Uwch Swyddog Trwyddedu.

Rhoddwyd ystyriaeth i adroddiad yr Uwch Swyddog Trwyddedu.

Dywedodd y Rheolwr Tîm – Safonau Masnachu a Thrwyddedu fod yr adroddiad yn rhoi manylion dogfennau ‘Safonau Statudol Tacsis a Cherbydau Hur Preifat’ a ‘Chanllawiau Cydgordio Trwyddedu Tacsis a Cherbydau Hur Preifat yng Nghymru’ Llywodraeth Cymru. Mae copi o’r dogfennau a nodwyd ar gael yn yr atodiadau. Dywedodd y Rheolwr Tîm hefyd fod yr adroddiad yn gofyn am gymeradwyaeth am newid i bolisi’r Awdurdod yn ymwneud a thrwyddedau cerbydau hacni a hur preifat i alluogi gwiriadau 6 misol gan y Gwasanaeth Datgelu a Gwahardd.

Siaradodd Arweinydd y Tîm ymhellach am yr adroddiad ac amlinellodd y pwyntiau allweddol. Rhoddodd Arweinydd y Tîm sicrwydd i’r Pwyllgor fod yr Awdurdod eisoes yn gweithredu’r rhan fwyaf o’r argymhellion ac y sefydlwyd gweithgor ledled Cymru i hybu eu gweithredu mewn modd cyson ar draws Cymru. Yn nhermau costau i ddeiliaid trwydded, dywedwyd fod y Cyngor ar hyn o bryd yn disgwyl i yrwyr trwyddedig gael adroddiad DBS Estynedig bob tair blynedd ar gost o £50 i’r deiliaid trwydded. Awgrymodd y Safonau y dylid cynnal y gwiriadau hyn bob chwe mis ac mai’r ffordd orau o gyflawni hyn yw drwy i’r deiliad trwydded lofnodi i Wasanaeth Diweddaru DBS.

Fe wnaeth hyn alluogi gweithredu rhaglen dramor sy’n galluogi’r Cyngor i wirio cofnodion heb fod angen i’r deiliad trwydded wneud cais newydd. Mae’r costau i’r deiliad trwydded am y system newydd yn £13 y flwyddyn. Byddai hyn maes o law yn arwain at arbediad bach i’r deiliad trwydded a’r budd i’r Cyngor fyddai y gellid gwirio cofnodion ar unwaith.

Cyfeiriodd y Rheolwr Tîm – Safonau Masnachu a Thrwyddedu y Pwyllgor at Opsiwn 1 sef yr opsiwn a ffafrir a dywedodd y cyflwynir adroddiadau pellach i’r Pwyllgor os a phryd y cynigir newidiadau pellach drwy’r gweithgor neu newidiadau polisi arfaethedig. Ychwanegwyd y cynhaliwyd ymgynghoriad anffurfiol gyda chymdeithas y fasnach tacsis ym Mlaenau Gwent ac na ddynodwyd unrhyw faterion o bryder sylweddol, felly teimlwyd nad oedd angen ymgynghori ymhellach ar y pwynt hwn ar y cynnig gerbron y Pwyllgor. Byddai ymgynghori pellach ar newidiadau pellach gyda’r fasnach fel sydd angen.

Ar y pwynt hwn gwahoddodd y Cadeirydd gwestiynau gan Aelodau.

Teimlai Aelod, unwaith y byddai’r system newydd ar waith, ei fod yn rhoi diogeliad ychwanegol i weithredwyr mwy y byddai gyrrwr, os y’i ceid yn euog, yn cael ei ddynodi a’i adrodd yn unol â hynny.

Croesawodd Aelod arall yr adroddiad a theimlai ei fod yn rhoi sicrwydd ychwanegol oedd yn hollbwysig ar gyfer diogelwch y cyhoedd. Gofynnodd yr Aelod os yr adroddwyd unrhyw ymosodiadau rhywiol ym Mlaenau Gwent fel y rhai ym Manceinion a Glannau Merswy. Cadarnhawyd nad oedd Swyddogion yn gwybod am unrhyw ddigwyddiadau tebyg a adroddwyd ym Mlaenau Gwent.

Mewn ymateb i gwestiwn a godwyd yng nghyswllt staff digonol i lanw dros y gwaith ychwanegol, dywedwyd fod y Tîm Trwyddedu yn cynnwys 4 aelod o staff ar hyn o bryd. Er fod rhai staff yn gweithio llai o oriau, yn ystod y misoedd diweddar roedd pob un o’r pedwar aelod o staff wedi bod yn gweithio 37 awr oherwydd gwaith ychwanegol yn gysylltiedig â’r pandemig.

Teimlai’r Rheolwr Tîm nad oedd angen adnoddau ychwanegol gan y byddai’r gwaith yn cael ei amsugno yn y lefelau staffio presennol.

Cododd Aelod bryderon am ddiffyg cod gwisg safonol ar gyfer Blaenau Gwent a chroesawodd y sylwadau yn yr adroddiad. Pe byddai gan yrwyr tacsi god gwisg safonol, teimlai y byddai’n galluogi cwsmeriaid i’w hadnabod yn rhwydd.

Cytunodd yr Aelod Tîm gyda’r sylwadau a dywedodd ei fod yn fater i gael ei drafod yn y gweithgor. Ychwanegodd yr Uwch Swyddog Trwyddedu, er nad oes gan yr Awdurdod god gwisg ffurfiol, fod rhai eitemau o ddillad nad oedd yn dderbyniol. Mae rhai swyddi yn nogfen Llywodraeth Cymru y gallai’r Awdurdod ystyried eu hychwanegu o ran cod gwisg.

Mewn pleidlais unfrydol,

PENDERFYNWYD derbyn yr adroddiad a mabwysiadu gofynion DBS Safonau Statudol Tacsis a Cherbydau Hur Preifat (Opsiwn 1), yn benodol yng nghyswllt:

·         Gweithredu gwiriadau 6 misol, gan ddechrau ar unwaith, ar raglen dreigl fel a phryd mae’n amser adnewyddu; a

·         Diwygio polisi’r Awdurdod ar drwyddedau cerbydau hacni a hur preifat yn unol â hynny a chytunodd Aelodau ar ymgynghoriad llawn.