Agenda item

Ystyried adroddiad y Prif Swyddog Adnoddau.

Rhoddwyd ystyriaeth i adroddiad y Prif Swyddog Adnoddau.

Ar wahoddiad y Cadeirydd, dechreuodd y Prif Swyddog Adnoddau drwy ddweud mai dyma gam olaf proses gosod cyllideb 2021/2022 sydd, yn dod ynghyd â phenderfyniadau cyllideb y Cyngor a wnaed yn flaenorol ynghyd â’r praeseptiau fel yr hysbyswyd gan yr awdurdodau statudol. Yn ychwanegol mae’r adroddiad yn tynnu sylw at ac yn gosod y gofyniad cyllideb ar gyfer 2021/2022, lefel gyffredinol y Dreth Gyngor ar gyfer 2021/2022 sy’n cynnwys y praeseptiau statudol a’r penderfyniadau statudol perthnasol.

Nodwyd fod y Cyngor wedi cyfrif y symiau ar gyfer y flwyddyn (2021/2022) yn unol â rheoliadau a wnaed dan Adran 33(5) Deddf Llywodraeth Leol 1992 a manylion cynigion cyffredinol y Dreth Gyngor yn cynnwys y bandiau prisiant a roddir ym mharagraff 3.4(k) yr adroddiad.

Hysbyswyd aelodau am y cywiriad dilynol i’r adroddiad. Nodwyd y dylid newid y swm o £224,556,491 y cyfeirir ato ym mharagraff 3.4(a) i ddarllen £225.856.491.

Aeth y Prif Swyddog ymlaen drwy ddweud fod y praesept Swyddfa Comisiynydd Heddlu a Throseddu Gwent ar gyfer 2021/2022 yn gyfanswm o £5,987,866 a bod praesept Cynghorau Tref/Cymuned ar gyfer yr un cyfnod yn gyfanswm o £456,101.

Mae Tabl 1, a roddir yn Atodiad 1, yn grynodeb o’r amcangyfrifon portffolio dilynol gan roi ystyriaeth i gynigion Pontio’r Bwlch, pwysau cost ac eitemau twf. Yn ychwanegol, caiff £1.254m ei drosglwyddo i gronfeydd wrth gefn y Cyngor. Arweiniodd hyn at ofyniad cyllideb statudol o £157,379,330. Byddai hefyd angen ychwanegu cymorth ardrethi dewisol o £208,000 at ofyniad y gyllideb, i roi cyfanswm cyllideb refeniw net ar gyfer 2021/2022 o £157,587,330.

I gloi, adroddodd y Prif Swyddog Adnoddau ar y ddau bwynt dilynol yn unol â gofynion Adran 25 Deddf Llywodraeth Leol 2003:

i.              Pa mor gadarn yw’r amcangyfrifon a gynhwysir yn y gyllideb.

ii.             Digonolrwydd cronfeydd wrth gefn yr Awdurdod.

Medrodd y Prif Swyddog ddod i’r casgliad bod yr amcangyfrifon yn cydymffurfio gyda’r wybodaeth ddiweddaraf sydd ar gael ac yn addas o gadarn. Cafodd pwysau cost eu hystyried yn ystod proses gosod y gyllideb ac ar gyfer y tymor canol.

Yng nghyswllt digonolrwydd cronfeydd wrth gefn yr Awdurdod, mae paragraffau 5.1.9 i 5.1.12 yr adroddiad yn dangos fod yr Awdurdod yn dymuno sicrhau sefyllfa gynaliadwy ar gyfer y flwyddyn i ddod ac yn y tymor canol. Byddai’r protocol cronfeydd wrth gefn yn parhau i adolygu cronfeydd wrth gefn er mwyn sicrhau y cedwir Cronfeydd wrth Gefn Cyffredinol ar lefel gynaliadwy yn y tymor canol.

Dywedodd Arweinydd y Gr?p Llafur nad oedd y Gr?p Llafur na’r Gr?p Annibynnol Lleiafrifol yn cefnogi’r cynnydd o 3.3% yn lefel y dreth gyngor neu yn wir unrhyw gynnydd arall uwchben cyfradd chwyddiant a gofynnodd am i hyn gael ei nodi.

Atebodd Arweinydd y Cyngor fod gan y Cyngor gyfrifoldeb statudol i gytuno i’r adroddiad ac y caiff yr opsiynau eu hamlinellu ym mharagraff 3. Mae nifer o’r argymhellion hyn ar gyfer dibenion nodi yn unig ac un argymhelliad yw i’r Cyngor gydnabod y praesept a osodwyd gan y Cynghorau Tref/Cymuned a Swyddfa Comisiynydd yr Heddlu a Throseddu. Daeth i ben drwy gynnig cymeradwyo’r argymhellion en bloc. Eiliwyd y cynnig hwn.

Dywedodd Arweinydd y Gr?p Llafur, oherwydd bod yr adroddiad yn cynnwys gwybodaeth ffeithiol i nodi a rhoi manylion y penderfyniadau a wnaed yng nghyfarfod arbennig y Cyngor yr wythnos flaenorol (4 Mawrth), y credai nad oedd angen pleidlais wedi’i chofnodi y tro hwn. Dywedodd bod y Gr?p Llafur a’r Gr?p Annibynnol Lleiafrifol yn derbyn ac yn nodi’r argymhelliad sy’n llifo’n gywir o’r benderfyniad y Cyngor Arbennig ar 4 Mawrth 2021. Ond wrth wneud hynny ychwanegodd fod y ddau gr?p gwrthbleidiol yn parhau’n gadarn yn eu cred na ddylai’r Dreth Gyngor fod yn uwch na chwyddiant eleni. Cadarnhaodd Arweinydd y Gr?p Annibynnol Lleiafrifol mai hyn oedd eu sefyllfa hefyd h.y. eu bod yn derbyn yr argymhellion.

Oherwydd bod y rhain yn benderfyniadau statudol a fyddai’n galluogi’r Adran Adnoddau i wneud gwaith ar gyfer sylfaen y dreth gyngor am y flwyddyn i ddod, dywedodd Arweinydd y Cyngor ei fod yn fodlon gyda’r awgrym a wnaed, yn amodol ar gymeradwyaeth y Swyddog Monitro, a thybiodd mai barn y Gr?p Llafur ac Aelodau Gr?p Annibynnol Lleiafrifol fyddai gwrthwynebu’r argymhelliad ac os nad oes unrhyw Aelod yn mynegi fel arall, byddai Aelodau’r Gr?p Annibynnol yn cefnogi’r argymhellion a gaiff eu hamlinellu yn yr adroddiad.

Cadarnhaodd y Swyddog Monitro, gan nad oedd unrhyw Aelod yn bresennol wedi mynegi bwriad i wrthwynebu’r argymhellion, bod y llwybr gweithredu arfaethedig i beidio symud ymlaen i bleidlais unigol wedi’i chofnodi yn dderbyniol.

Felly,

PENDERFYNWYD yn unfrydol i dderbyn yr adroddiad a nodwyd:

3.1 Bod y Cyngor wedi cytuno yn ei gyfarfod ar 4 Mawrth 2021 ar gynnydd Treth Gyngor o 3.3% ar gyfer blwyddyn ariannol 2021/2022. Fel canlyniad, elfen Cyngor Blaenau Gwent o’r tâl treth gyngor llawn fyddai:-

3.2 Roedd y Cyngor wedi cyfrif y symiau dilynol ar gyfer y flwyddyn (2021/2022) yn unol â’r rheoliadau a wnaed dan Adran 33(5) Deddf Llywodraeth Leol 1992:

3.3 Sylfaen y Dreth Gyngor oedd nifer yr anheddau y gellir codi tâl arnynt ym mhob ardal wedi’i addasu ar gyfer nifer o eitemau e.e. gostyngiadau taladwy, wedi’i luosi gan y gyfradd gasglu dybiedig sy’n 95% ar gyfer 2021/22.

a)    Y swm a gyfrifwyd gan y Cyngor, yn unol â Rheoliad 3 Rheoliadau Awdurdodau Lleol (Cyfrif Sylfaen y Dreth Gyngor) 1992 fel ei sylfaen Treth Gyngor ar gyfer y flwyddyn oedd:

b)  Y symiau a gyfrifwyd gan y Cyngor, yn unol â Rheoliad 6 y Rheoliadau fel swm ei sylfaen Treth Gyngor ar gyfer y flwyddyn yn y rhannau hynny o’i ardal y mae un neu fwy o eitemau arbennig yn cyfeirio atynt oedd:

c)    Ar gyfer y flwyddyn 2021/2022, roedd Swyddfa Comisiynydd Heddlu a Throseddu Gwent wedi nodi’r symiau dilynol mewn praeseptiau a gyhoeddwyd i’r Cyngor (cyfanswm o £5,987,866) yn unol ag Adran 40 Deddf Llywodraeth Leol 1992, ar gyfer pob un o’r categorïau anheddau a ddangosir:

3.4 Bod y symiau dilynol yn awr yn cael eu cyfrif gan y Cyngor ar gyfer y flwyddyn 2021/2022 yn unol ag Adran 32 i 36 Deddf Cyllid Llywodraeth Leol 1992:-

i) Y symiau a roddir drwy ychwanegu at y swm yn (h) uchod y symiau o’r eitem neu eitemau arbennig yn ymwneud ag anheddau yn y rhannau hynny o ardal y Cyngor a nodir uchod wedi’u rhannu ym mhob achos gan y swm yn 3.2(b) uchod, a gyfrifwyd gan y Cyngor, yn unol ag Adran 34(3) y Ddeddf, fel y symiau sylfaenol o’i Dreth Gyngor ar gyfer y flwyddyn ar gyfer anheddau yn y rhannau hynny o’i ardal y mae mwy neu fwy o eitemau arbennig yn cyfeirio atynt oedd:

j)  Y symiau a roddir drwy luosi’r symiau yn (h) ac (i) uchod gan y rhif oedd, yn y gyfran a nodir yn adran 5(10) y Ddeddf, yn berthnasol i anheddau a restrwyd mewn band prisiant neilltuol wedi ei rannu gan y rhif yr oedd y gyfran honno yn berthnasol i anheddau a restrwyd ym Mand Prisiant D, a gyfrifwyd gan y Cyngor, yn unol ag Adran 36(1) y Ddeddf, fel y symiau i roi ystyriaeth iddynt ar gyfer y flwyddyn yng nghyswllt categorïau o anheddau a restrwyd mewn gwahanol fandiau prisiant oedd:

k) Bod, ar ôl cyfrif y cyfanswm ym mhob achos o’r symiau yn (c) a (j) uchod, bod y Cyngor, yn unol ag adran 30(2) Deddf Cyllid Llywodraeth Leol 1992, drwy hyn yn nodi’r symiau dilynol fel symiau’r Dreth Gyngor ar gyfer y flwyddyn 2021/22 ar gyfer pob un o’r categorïau o’r anheddau a ddangosir islaw: