Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o rybudd os dymunwch wneud hynny. Darperir gwasanaeth cyfieithu ar y pryd os gwneir cais.

Nodwyd na chafwyd unrhyw geisiadau am y gwasanaeth cyfieithu ar y pryd.

Derbyn ymddiheuriadau.

Adroddwyd yr ymddiheuriadau dilynol am absenoldeb:

Stephen Tiley - GAVO

Peter Farley - GAVO

Steve Morgan – Cyfoeth Naturiol Cymru

Sarah King – Blaenau Gwent

Scott Morris – Tân ac Achub De Cymru

Cynghorydd Jen Morgan, Y.H. – Awdurdod Tân ac Achub Gwent

Derbyn unrhyw ddatganiadau buddiant a goddefebau.

Ni adroddwyd unrhyw ddatganiadau buddiant na goddefebau.

Ystyried penderfyniadau y cyfarfod o Bwyllgor Craffu Bwrdd Gwasanaethau Cyhoeddus Gwent a gynhaliwyd ar 29 Mawrth 2023.

(D.S. Cyflwynir y penderfyniadau er pwyntiau cywirdeb yn unig)

Rhoddwyd ystyriaeth i benderfyniadau’r Pwyllgor a gynhaliwyd ar 29 Mawrth 2023.

CYTUNODD y Pwyllgor i gadarnhau’r penderfyniadau.

Derbyn y ddalen weithredu..

Rhoddwyd ystyriaeth i’r Ddalen Weithredu.

CYTUNODD y Pwyllgor i nodi’r Ddalen Weithredu.

Ystyried adroddiad Sarah King, Pennaeth Gwasanaethau Democrataidd, Llywodraethiant a Phartneriaethau.

Rhoddwyd ystyriaeth i adroddiad y Pennaeth Gwasanaethau Democrataidd, Llywodraethiant a Phartneriaethau (Blaenau Gwent).

CYTUNODD y Pwyllgor i dderbyn yr adroddiad a

(i)              chytuno ar y Drafft Gylch Gorchwyl (Atodiad 1);

(ii)             cytuno y byddai’r Cadeirydd am y flwyddyn gyntaf (Mehefin 2023-Mai 2024) yn gynrychiolydd a enwebir gan Gyngor Bwrdeistref Sirol Blaenau Gwent, sef y Cynghorydd Tommy Smith

(iii)           cytuno y byddai’r Is-gadeirydd am y flwyddyn gyntaf (Mehefin 2023 – Mai 2024) yn gynrychiolydd a enwebir gan Gyngor Bwrdeistref Sirol Caerffili, sef y Cynghorydd S. Williams

(iv)           cynnal cyfarfodydd ar sail hybrid, gan roi ystyriaeth i’r manylion ym mharagraff 5.3 fel sy’n dilyn, i gael ei adolygu mewn 12 mis.

“Argymhellwyd pellach y cynigir cyfarfodydd y Pwyllgor Craffu ar sail hybrid, gyda’r opsiwn i gynnal y cyfarfodydd mewn ardaloedd Awdurdod Lleol eraill. Os cynhelir cyfarfodydd mewn ardaloedd Awdurdodau Lleol eraill, dylid nodi y byddai angen i drefniadau cefnogi y cyfarfod hwnnw ar gyfer defnyddio’r system o fewn yr Awdurdod Lleol hwnnw gael eu darparu gan staff gwasanaethau democrataidd y cyngor hwnnw, gan gydymffurfio â pholisïau cyfarfodydd aml-leoliad y cyngor unigol”.

(v)             Yn dilyn cytuno ar 6.1 (iv), cytunodd y Pwyllgor ar y lleoliad ar gyfer cyfarfod nesaf Pwyllgor Craffu Bwrdd Gwasanaethau Cyhoeddus Gwent a gynhelir ar 6 Medi 2023.

Ystyried y drafft fframwaith.

Rhoddwyd ystyriaeth i’r Drafft Fframwaith Rheoli Perfformiad.

CYTUNODD y Pwyllgor i dderbyn yr adroddiad a chraffu ar y drafft Fframwaith Rheoli Perfformiad a roddir yn Atodiad 1 a rhoi adborth cyn ei drafod gan Fwrdd Gwasanaethau Cyhoeddus Gwent ar 22 Mehefin 2023.