Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o rybudd os dymunwch wneud hynny. Darperir gwasanaeth cyfieithu ar y pryd os gwneir cais am hynny.

Nodwyd na dderbyniwyd unrhyw geisiadau ar gyfer y gwasanaeth cyfieithu ar y pryd.

Derbyn unrhyw ymddiheuriadau am absenoldeb.

Cafwyd ymddiheuriad am absenoldeb gan y Cynghorydd J.C. Morgan.

Derbyn unrhyw ddatganiadau buddiant neu oddefebau.

Ni adroddwyd unrhyw ddatganiadau buddiant na goddefebau.

Oherwydd yr angen i ystyried yr eitem ddilynol fel mater o frys, mae Arweinydd y Cyngor a’r Aelod Llywyddol wedi cadarnhau y gellir ystyried y mater dilynol dan ddarpariaethau Paragraff 4(b), Adran 100(b) Deddf Llywodraeth Leol, 1972.

RHESYMAU DROS FRYS

I gydymffurfio gydag amserlenni cyfreithiol.

I ystyried yr adroddiad ar y cyd gan y Prif Swyddog Masnachol a Chwsmeriaid, y Prif Swyddog Adnoddau a’r Pennaeth Cydymffurfiaeth Cyfreithiol a Chorfforaethol.

Oherwydd yr angen i ystyried yr eitem ddilynol fel mater o frys, cadarnhaodd Arweinydd y Cyngor a’r Aelod Llywyddol y gellir ystyried y mater dilynol dan ddarpariaethau Paragraff 4(b), Adran 100(b) Deddf Llywodraeth Leol 1972.

Rhoddwyd ystyriaeth i’r adroddiad ar y cyd gan y Prif Swyddog Masnachol a Chwsmeriaid, y Prif Swyddog Adnoddau a’r Pennaeth Cydymffurfiaeth Cyfreithiol a Chorfforaethol.

PENDERFYNWYD derbyn yr adroddiad a’r diweddariad ar y cynnig i drosglwyddo gwasanaethau o SVWS i’r Cyngor ar 1 Mai 2023 (yn cynnwys trosglwyddo asedau a rhwymedigaethau ar neu ar ôl y dyddiad trosglwyddo hyd at bwynt dirwyn y Cwmni i ben).

Nodwyd fod yr amcangyfrif effaith ariannol yn parhau o fewn amlen y gyllideb fel y cytunwyd yn flaenorol.

Rhoddwyd cymeradwyaeth i ddirprwyo i Swyddogion i negodi a chytuno ar y dilynol:-

·       telerau terfynol y trefniant dirwyn i ben a threfniadau ategol eraill y gall fod eu hangen yn y dyfodol i weithredu’r trosglwyddiad rhwng y Cyngor a Silent Valley Waste Services Limited; a

·       Gweithred Perfformiad (yn cynnwys yr ymrwymiad ariannol rhwng y Cyngor a Cyfoeth Naturiol Cymru i gefnogi trosglwyddo’r Drwydded Amgylcheddol.

Cymeradwywyd y penderfyniad cyfranddalwyr fel y manylir yn Atodiad 2 yr adroddiad.

.