Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o rybudd os dymunwch wneud hynny. Darperir gwasanaeth cyfieithu ar y pryd os gwneir cais am hynny.

Nodwyd na chafwyd unrhyw geisiadau ar gyfer y gwasanaeth cyfieithu ar y pryd.

CYDYMDEIMLAD

Dymunai’r Is-gadeirydd gyflwyno cydymdeimlad ar ran y Pwyllgor Cynllunio i deulu Sally Ann Evans, Cyfreithiwr, yn dilyn ei marwolaeth drist.

Hysbysodd yr Is-gadeirydd yr Aelodau ymhellach am farwolaeth drist Mr Bobby Davies, tad y Cynghorydd Winnett (Cadeirydd) a fu farw’n sydyn dros y Sul a dymunai’r Is-gadeirydd gyflwyno cydymdeimlad i’r Cadeirydd a’i theulu ar ran y Pwyllgor Cynllunio.

Cafwyd munud o dawelwch fel arwydd o barch.

Derbyn unrhyw ymddiheuriadau am absenoldeb.

Cafwyd yr ymddiheuriadau dilynol am absenoldeb:-

Cynghorydd C. Bainton; a’r

Cynghorydd Jen Morgan.

Derbyn unrhyw ddatganiadau buddiant a goddefebau.

Ni wnaed unrhyw ddatganiadau buddiant na goddefebau.

Ystyried adroddiad y Rheolwr Gwasanaeth Datblygu a Stadau.

Rhoddwyd ystyriaeth i adroddiad y Rheolwr Gwasanaeth Datblygu a Stadau.

PENDERFYNWYD derbyn yr adroddiad a nodi’r wybodaeth a gynhwysir ynddo.

Ystyried adroddiad y Swyddog Cymorth Busnes.

Rhoddwyd ystyriaeth i adroddiad y Swyddog Cymorth Busnes.

PENDERFYNWYD derbyn yr adroddiad a nodi’r wybodaeth a gynhwysir ynddo.

Ystyried adroddiad y Rheolwr Gwasanaeth Datblygu a Stadau.

Rhoddwyd ystyriaeth i adroddiad y Rheolwr Gwasanaeth Datblygu a Stadau.

Os cânt eu mabwysiadu, cynigiwyd y dylid anfon y Nodiadau diwygiedig at bob Aelod o’r Cyngor er gwybodaeth.

PENDERFYNWYD yn unol â hynny.

PENDERFYNWYD YMHELLACH i dderbyn yr adroddiad a bod y Pwyllgor Cynllunio yn mabwysiadu’r Nodiadau diwygiedig a atodir gyda’r adroddiad hwn (Opsiwn 2).

Trafod unrhyw feysydd ar gyfer sesiynau gwybodaeth a hyfforddiant i aelodau.

Dywedodd y Cadeirydd y byddid yn ail-drefnu’r hyfforddiant gorfodol a gafodd ei ganslo ac y caiff ei gynnal cyn gynted ag sydd modd.

Ystyried adroddiad y Rheolwr Gwasanaeth Datblygu.

Gan roi ystyriaeth i’r farn a fynegwyd gan y Swyddog Priodol yng nghyswllt y prawf budd cyhoeddus, o bwyso a mesur popeth, fod y budd cyhoeddus mewn cynnal yr eithriad yn fwy na’r budd cyhoeddus mewn datgelu’r wybodaeth ac y dylai’r adroddiad gael ei eithrio.

PENDERFYNWYD eithrio’r cyhoedd tra bod yr eitem hon o fusnes yn cael ei chynnal gan ei bod yn debygol y byddai gwybodaeth eithriedig yn cael ei datgelu fel y’i diffinnir ym Mharagraff 12, Atodlen 12A Deddf Llywodraeth Leol 1972 (fel y’i diwygiwyd).

Rhoddwyd ystyriaeth i adroddiad y Rheolwr Gwasanaeth Datblygu.

PENDERFYNWYD derbyn yr adroddiad sy’n cynnwys gwybodaeth yn ymwneud ag unigolyn neilltuol a nodi’r wybodaeth a gynhwysir ynddo.