Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o rybudd os dymunwch wneud hynny. Darperir gwasanaeth cyfieithu ar y pryd os gwneir cais am hynny.

Nodwyd na chafwyd unrhyw geisiadau am y gwasanaeth cyfieithu ar y pryd.

Derbyn ymddiheuriadau.

Cafwyd ymddiheuriadau gan y Cynghorwyr Jen Morgan, Y.H a  D. Wilkshire.

Derbyn datganiadau buddiant a goddefebau.

Ni chafwyd unrhyw ddatganiadau buddiant na goddefebau.

Derbyn penderfyniadau’r Pwyllgor Craffu Pobl a gynhaliwyd ar 19 Medi 2023.

(Dylid nodi y cyflwynir y penderfyniadau er pwyntiau cywirdeb yn unig).

Cyflwynwyd penderfyniadau’r Pwyllgor Craffu Pobl a gynhaliwyd ar 19 Medi 2023.

CYTUNODD y Pwyllgor i dderbyn y penderfyniadau fel cofnod gywir o’r trafodion.

Derbyn dalen weithredu.

Cyflwynwyd y Ddalen Weithredu yn deillio o’r cyfarfod a gynhaliwyd ar 19 Medi 2023.

CYTUNODD y Pwyllgor i nodi’r Ddalen Weithredu.

Aelod Cabinet i ymateb i unrhyw gwestiynau a ofynnir gan y Pwyllgor yn dilyn penderfyniad y Cabinet.

Dywedodd Cyfarwyddwr Corfforaethol Interim fod ymrwymiad pendant i weithio gyda phenaethiaid ysgolion ac uwch arweinwyr ar unrhyw bolisïau newydd pan fod ASOS yn caniatáu hynny.

Ar wahoddiad y Cadeirydd, dywedodd yr Aelod Cabinet Pobl ac Addysg ei bod yn cydnabod pwysigrwydd Craffu a diolchodd i Aelodau am eu harchwiliad o’r adroddiad pan y’i cyflwynwyd i’r Pwyllgor.

Dywedodd yr Aelod Cabinet ei bod eisiau rhoi sylwadau ar gynghori yn erbyn Opsiwn 2 pan y’i cyflwynwyd, a phwysleisiodd nad oedd mewn unrhyw ffordd yn ceisio tanseilio gwaith y Pwyllgor Craffu, ond teimlai fod nifer o faterion yn ymwneud â’r ymgynghoriad na chafodd eu cyfathrebu i’r Pwyllgor Craffu ac wedi arwain at gamddealltwriaeth a fyddai’n effeithiol ar allu’r Gyfarwyddiaeth Addysg i gyflawni ei dyletswyddau statudol.

Yn gyntaf, roedd gweithdrefnau ASOS wedi cael ac yn dal i gael effaith niweidiol ar ysgolion cynradd a phenaethiaid ysgol yn gwrthod cymryd rhan yn yr ymgynghoriad a gynigiwyd oherwydd ASOS, ac amlinellodd yr Aelod Cabinet lefel yr ymgysylltu a gynigiwyd.

Yn ail mae angen i ni wneud newidiadau i’n Strategaeth Cynhwysiant i sicrhau ei fod yn unol â newidiadau polisi a ddaw gan Lywodraeth Cymru. Fel rhan o’r broses ymgynghori, sefydlwyd sianel Teams gyda’r polisïau wedi eu lanlwytho a gofynnwyd i benaethiaid ysgol anfon eu sylwadau drwy e-bost yn hytrach na chyfarfod, er mwyn rhoi cyfle i ymgysylltu heb fynd yn erbyn ASOS. Fodd bynnag, ni chafwyd unrhyw ymatebion.

Yn olaf, bu ymgynghoriad ffurfiol llawn a gynhaliwyd rhwng Ebrill a Mheipen ac fel canlyniad cyhoeddwyd Hysbysiad Statudol a wnaeth gau ar 26 Gorffennaf 2023, heb unrhyw wrthwynebiadau i’r cynigion.

Dywedodd yr Aelod Cabinet y gwnaed ymdrechion pellach i ymgysylltu gyda phenaethiaid ysgol er bod ASOS yn parhau, ond dywedodd ei bod yn hanfodol nad oedd gweithredu diwydiannol yn llesteirio ar gyfrifoldeb statudol yr Awdurdod a’i gyfrifoldeb i blant gydag anghenion ychwanegol.

Daeth yr Aelod Cabinet i ben drwy ddweud y bu cyfres o ddigwyddiadau y gallai fod wedi eu cyfathrebu’n well i’r Pwyllgor Craffu, a theimlai y byddai hynny wedi arwain at i’r adroddiad gael derbyniad mwy cadarnhaol. Byddai’n ymdrechu i sicrhau y caiff y llinellau hynny o gyfathrebu gyda’r Pwyllgor Craffu eu cyflawni’n well a’u bod yn fwy cadarn wrth symud ymlaen a gobeithiai y byddai’r esboniad a roddwyd yn rhoi gwell dealltwriaeth i Aelodau o pam ei bod wedi gofyn i’r Cabinet gefnogi Opsiwn 1, yn erbyn argymhelliad y Pwyllgor Craffu.

Diolchodd y Cadeirydd i’r Aelod Cabinet am fynychu a rhoi esboniad. Diolchodd iddi hefyd am y cyfle i fynychu’r Cabinet ar ran y Pwyllgor, a dywedodd ei fod yn falch y byddai cyfathrebu yn well wrth symud ymlaen.

Ystyried adroddiad y Rheolwr Gwasanaeth, Gwasanaethau Plant.

Rhoddwyd ystyriaeth i adroddiad y Rheolwr Gwasanaeth Gwasanaethau Plant.

CYTUNODD y Pwyllgor i argymell derbyn yr adroddiad fel cynrychiolaeth gywir o’r cynnydd hyd yma yng nghyswllt datblygu cartrefi preswyl plant ym Mlaenau Gwent (Opsiwn 1).

Ystyried adroddiad Cyfarwyddwr Corfforaethol Interim Addysg.

Rhoddwyd ystyriaeth i adroddiad Cyfarwyddwr Corfforaethol Interim Addysg.

CYTUNODD y Pwyllgor i argymell derbyn yr adroddiad fel y’i darparwyd. (Opsiwn 2).

Ystyried adroddiad y Cyfarwyddwr Corfforaethol Interim Addysg.

Rhoddwyd ystyriaeth i adroddiad y Cyfarwyddwr Corfforaethol Interim Addysg.

CYTUNODD y Pwyllgor i argymell derbyn yr adroddiad fel y’i darparwyd (Opsiwn 2).

Derbyn y Flaenraglen Gwaith.

Rhoddwyd ystyriaeth i adroddiad y Swyddog Craffu a Democrataidd

·       Strategaeth TGCh i gael ei symud i gyfarfod Chwefror/Mawrth.

CYTUNODD y Pwyllgor, yn amodol ar yr uchod, i dderbyn y flaenraglen gwaith ar gyfer 19 Rhagfyr 2023.