Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o rybudd os dymunwch wneud hynny. Darperir gwasanaeth cyfieithu ar y pryd os gwneir cais am hynny.

Nodwyd na chafwyd unrhyw geisiadau ar gyfer y gwasanaeth cyfieithu ar y pryd.

Derbyn ymddiheuriadau.

Cafwyd yr ymddiheuriadau dilynol am absenoldeb:-

Cynghorydd R. Leadbeater; ac

Arweinydd Tîm Cyfleoedd Adfywio.

Derbyn datganiadau buddiant a goddefebau.

Ni adroddwyd unrhyw ddatganiadau buddiant na goddefebau.

Ystyried penderfyniadau’r Pwyllgor Craffu Lleoedd a gynhaliwyd ar 31 Ionawr 2023.

(D.S. Cyflwynir y penderfyniadau er pwyntiau cywirdeb yn unig).

Rhoddwyd ystyriaeth i benderfyniadau’r cyfarfod a gynhaliwyd ar 31 Ionawr 2023.

CYTUNODD y Pwewyllgor i gadarnhau’r penderfyniadau.

Derbyn y Ddalen Weithredu.

Rhoddwyd ystyriaeth i’r ddalen weithredu..

CYTUNODD y Pwyllgor i dderbyn yr adroddiad a nodi’r ddalen weithredu.

Ystyried adroddiad y Cyfarwyddwr Corfforaethol Adfywio a Gwasanaethau Cymunedol.

Ystyriwyd adroddiad Rheolwr Tîm Cyfleoedd Adfywio.

CYTUNODD y Pwyllgor i dderbyn yr adroddiad a chefnogi Cynllun Creu Lleoedd Brynmawr, ei weledigaeth ac uchelgeisiau craidd ar gyfer y dyfodol ac argymell cymeradwyaeth gan y Cabinet. Byddai hyn yn galluogi’r Awdurdod i gwblhau’r cynllun cyflenwi a chamau tuag at weithredu’r prosiectau a gaiff eu cynnwys oddi mewn iddo (Opsiwn 2).

Ystyried adroddiad y Cyfarwyddwr Corfforaethol Adfywio a Gwasanaethau Cymunedol.

Rhoddwyd ystyriaeth i adroddiad y Rheolwr Gwasanaeth Busnes ac Adfywio.

CYTUNODD y Pwyllgor i dderbyn a chefnogi’r adroddiad ac argymell fod y Cabinet yn cymeradwyo’r Cytundeb Lefel Gwasanaeth rhwng Cyngor Bwrdeistref Sirol Blaenau Gwent a Chyngor Bwrdeistref Sirol Rhondda Cynon Taf ac i’r Cyfarwyddwr Corfforaethol Adfywio a Gwasanaethau Cymunedol ynghyd â’r Swyddog A5 i gael awdurdod wedi ei ddirprwyo i dderbyn diwygiadau i’r Cytundeb Lefel Gwasanaeth i hwyluso gweithredu’r Gronfa Ffyniant Gyffredino fewn Blaenau Gwent (Opsiwn 2).

Derbyn y flaenraglen gwaith.

Rhoddwyd ystyriaeth i adroddiad y Swyddog Craffu a Democrataidd.

CYTUNODD y Pwyllgor i dderbyn yr adroddiad a chymeradwyo’r Flaenraglen Gwaith ar gyfer y cyfarfod a gynhelir ar 25 Ebrill 2023 (Opsiwn 2).