Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o hysbysiad ymlaen llaw os dymunwch wneud hynny. Darperir gwasanaeth cyfieithu ar y pryd os gwneir cais.

Nodwyd na dderbyniwyd unrhyw geisiadau ar gyfer y gwasanaeth cyfieithu ar y pryd.

Derbyn ymddiheuriadau.

Ni adroddwyd unrhyw ymddiheuriadau am absenoldeb.

Derbyn datganiadau buddiant a goddefebau.

Datganodd y Cynghorydd B. Summers fuddiant yn y dilynol:

Eitem Rhif 7 Archwilio Cymru – Crynodeb Archwiliad Blynyddol 2021 Cyngor Bwrdeistref Sirol Blaenau Gwent (Silent Valley Waste Services Cyf.)

Derbyn cofnodion y cyfarfod o’r Pwyllgor Llywodraethiant ac Archwilio a gynhaliwyd ar 7 Rhagfyr 2021.

(Dylid nodi y cyflwynir y cofnodion er pwyntiau cywirdeb yn unig).

Cyflwynwyd cofnodion y Pwyllgor Archwilio a gynhaliwyd ar 7 Rhagfyr 2022.

PENDERFYNWYD cadarnhau’r cofnodion.

Nid oedd unrhyw gamau gweithredu yn deillio o gyfarfod y Pwyllgor Llywodraethiant ac Archwilio a gynhaliwyd ar 7 Rhagfyr 2021.

Nid oedd unrhyw gamau gweithredu yn deillio o gyfarfod y Pwyllgor Llywodraethiant ac Archwilio a gynhaliwyd ar 7 Rhagfyr 2021.

Ystyried adroddiad yr Arweinydd Proffesiynol – Archwilydd Mewnol..

Rhoddwyd ystyriaeth i adroddiad yr Arweinydd Proffesiynol Archwilio mewnol.

Cyflwynodd yr Arweinydd Proffesiynol Archwilio Mewnol yr adroddiad sy’n diweddaru’r Pwyllgor ar gynnydd ar y Cynllun Archwilio Mewnol ar gyfer y cyfnod 1 Hydref 2021 i 31 Rhagfyr 2021.

Caiff y gweithgareddau ar gyfer y cyfnod eu nodi yn Atodiad A ac maent yn rhoi crynodeb o ganfyddiadau o’r adroddiadau archwilio a gynhyrchwyd yn y cyfnod, yn cynnwys barn archwilio ffurfiol lle’n briodol. Cyflwynir data perfformiad ar gyfer yr Adran yn Atodiad B, a dangosir y graddiad a roddwyd yn ystod y cyfnod a gorchudd canran pob Adran yn Atodiad C a D.

Mewn ymateb i gwestiynau am absenoldeb salwch cadarnhaodd y Swyddog mai dim ond at yr Adran Archwilio Mewnol y mae’r data yn cyfeirio. Dywedodd y bu’r Tîm yn ffodus drwy fod â fawr iawn o salwch cysylltiedig â Covid yn ystod y cyfnod a bod y Tîm wedi gweithio’n rhagorol drwy gydol y pandemig.

PENDERFYNWYD derbyn yr adroddiad a bod y Pwyllgor yn nodi’r canfyddiadau o fewn yr Atodiadau a’r cynnydd ar weithgareddau ar gyfer y cyfnod 1 Hydref 2021 i 31 Rhagfyr 2021.

Ystyried adroddiad Archwilio Cymru.

Rhoddwyd ystyriaeth i adroddiad y Pennaeth Llywodraethiant a Phartneriaethau.

Cyflwynwyd y Pennaeth Llywodraethiant a Phartneriaethau newydd i’r Pwyllgor. Roedd wedi dechrau ar y swydd ddechrau mis Ionawr, sy’n cynnwys rôl Pennaeth Gwasanaethau Democrataidd, ac mae’n edrych ymlaen at weithio gyda’r Pwyllgor yn y blynyddoedd i ddod.

Cyflwynodd y Swyddog Grynodeb Archwilio Blynyddol 2021 Archwilio Cymru ar gyfer Blaenau Gwent (Atodiad 1) sy’n crynhoi’r gwaith a wnaed ers y Crynodeb Archwilio Blynyddol diwethaf ym mis Ebrill 2021. Nid yw Archwilio Cymru wedi codi unrhyw faterion sylweddol ac mae’r adroddiad yn amlygu rhai cryfderau yn y ffordd y mae’r Cyngor wedi defnyddio data i lywio ei ymateb i bandemig Covid a chefnogi’r broses cynllun adferiad. Mae’r adroddiad hefyd yn sôn fod cynllunio ariannol o fewn y Cyngor wedi gwella.

Mae’r adroddiad hefyd yn rhoi gwybodaeth ar astudiaethau lleol a chenedlaethol gan Archwilio Cymru yn y flwyddyn ddiwethaf a thynnodd sylw at ychydig o’u gwaith arfaethedig. Dywedodd y Swyddog y cynhelir archwiliad dilynol o Ddiogelu Corfforaethol yn y gwanwyn ac y disgwylir derbyn y cylch gorchwyl ar gyfer yr archwiliad hwnnw ym mis Chwefror.

Cyfeiriodd Aelod at y ffeithiau allweddol ar dudalen 28 yr adroddiad a gofynnodd am fanylion pellach ar chwe maes amddifadedd. Dywedodd y Swyddog y byddai’n rhoi’r wybodaeth hon i bob Aelod.

PENDERFYNWYD derbyn yr adroddiad a bod y Pwyllgor yn nodi cynnwys yr adroddiad ac yn derbyn adroddiadau yn y dyfodol gan Swyddfa Archwilio Cymru.