Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o rybudd os dymunwch wneud hynny. Darperir gwasanaeth cyfieithu ar y pryd os gwneir cais am hynny.

Nodwyd na chafwyd unrhyw geisiadau ar gyfer y gwasanaeth cyfieithu ar y pryd.

Derbyn ymddiheuriadau.

          Derbyniwyd ymddiheuriadau am absenoldeb gan y Cynghorwyr D. Davies, L. Parsons a’r Cyfarwyddwr Corfforaethol Interim Gwasanaethau Cymdeithasol.

nd t

Ystyried unrhyw ddatganiadau buddiant a goddefebau a wnaed.

Ni adroddwyd unrhyw ddatganiadau buddiant na goddefbau.

Mynegwyd cydymdeimlad gyda theulu Sally Ann-Evans, oedd yn gydweithiwr uchel iawn ei pharch ac yn Gyfreithiwr y Cyngor. Bu Sally-Ann farw yn sydyn ar 6 Hydref 2023.

Talwyd teyrngedau i Sally-Ann a dangosodd Aelodau a swyddogion eu parch gyda munud o dawelwch.

Ystyried adroddiad y Prif Weithredwr Interim.

Ystyriodd aelodau adroddiad y Prif Weithredwr Interim.

PENDERFYNWYD yn unfrydol i dderbyn yr adroddiad a chymeradwyo Hunan-asesiad 2022/23 y Cyngor i gael ei gyhoeddi ar wefan y Cyngor a’i rannu gyda phartneriaid allweddol fel yr amlinellir ym mharagraff 2.42 y canllawiau statudol h.y.:

Paragraff 2.42 – Rhaid cyhoeddi’r adroddiad hunanasesiad o fewn pedair wythnos ar ôl iddo gael ei gwblhau yn unol â phrosesau cytunedig y Cyngor, a dylai copi fod ar gael i Bwyllgor Llywodraethiant ac Archwilio corfforaethol y Cyngor. Dylid hefyd anfon yr adroddiad at:

• Archwilydd Cyffredinol Cymru
• Prif Arolygydd Addysg a Hyfforddiant ei Fawrhydi yng Nghymru
• Gweinidogion Cymru

Cytunwyd y caiff yr eitem ddilynol ei hystyried ar y pwynt hwn yn y gyfarfod:

Eitem Rhif 7 – Trefniadau Craffu Priodol Cydbwyllgor Corfforaethol De Ddwyrain Cymru

Ystyried adroddiad Cyfarwyddwr Corfforaethol Adfywio a Gwasanaethau Cymunedol.

Ystyriodd Aelodau adroddiad y Cyfarwyddwr Corfforaethol Adfywio a Gwasanaethau Cymunedol.

Nodwyd y caiff adroddiad yn rhoi manylion gwaith Bargen Ddinesig Prifddinas-Ranbarth Caerdydd a’r Cydbwyllgor Corfforaethol (CJC) ei gyflwyno  i’r Cyngor maes o law. Caiff diweddariad hefyd ei roi i Aelodau ar ffurf Briffiad i Aelodau.

PENDERFYNWYD yn unfrydol yn amodol ar yr uchod i dderbyn yr adroddiad a chymeradwyo Opsiwn 2, sef bod:

(1)   Y JOSC yn cael ei benodi yn Gydbwyllgor Trosolwg a Chraffu ar gyfer y CJC.

(2)  Cymeradwyo’r drafft Gylch Gorchwyl ar gyfer ei swyddogaethau yng nghyswllt y CJC, fel y’i cyflwynir yn Atodiad 1.

(3)  Nodi cost gweinyddu’r JOSC ar gyfer y CJC ac y caiff ei drin drwy gytundeb lefel gwasanaeth rhwng Cyngor Bwrdeistref Sirol Rhondda Taf a’r CJC, i’w gwblhau maes o law.

Ystyried adroddiad y Pennaeth Gwasanaethau Democrataidd, Llywodraethiant a Phartneriaethau. 

Rhoddwyd ystyriaeth i adroddiad y Pennaeth Gwasanaethau Democrataidd, Llywodraethiant a Phartneriaethau.

PENDERFYNWYD yn unfrydol i dderbyn yr adroddiad a chymeradwyo Opsiwn 1, sef nodi canfyddiadau’r Adolygiad Sicrwydd a’r argymhellion a amlinellir isod:

·       Dynodi Swyddog Cyswllt o fewn y Cyngor i sefydlu cyfarfod cydlynu rheolaidd gydag Archifdy Gwent ac Amlosgfa Gwent erbyn diwedd mis Mawrth 2024.

·       Trefnu Briffiad Aelodau ar y gweithrediadau a’r gwasanaethau a ddarperir gan Archifdy Gwent ac Amlosgfa Gwent erbyn diwedd mis Mawrth 2024.

·       Cynnwys yr holl ddogfennau strategol, cynllun busnes blynyddol a chyfrifon Archifdy Gwent ac Amlosgfa Gwent yn y Flaenraglen Gwaith ar gyfer y Pwyllgor Craffu Partneriaethau ar gyfer 2024-25, a’r Cyngor lle’n berthnasol, o leiaf ddwywaith y flwyddyn.

·       Datblygu’r Cylch Gorchwyl yn ‘becyn cymorth llywodraethiant’ i’w ddefnyddio gan swyddogion ar draws y Cyngor i roi sicrwydd ar gwmnïau presennol a pe byddai unrhyw rai newydd yn cael eu sefydlu erbyn diwedd mis Mawrth 2024.

Ystyried adroddiad y Pennaeth Datblygu Sefydliadol.

Cyflwynwyd adroddiad y Pennaeth Datbygu Sefydliadol i gael ei ystyried.

Mynegwyd gwerthfawrogiad i’r Tîm Iechyd a Diogelwch am eu gwaith sylweddol yn ystod y flwyddyn ac am y gwaith a wnaed i sicrhau fod disgyblion a staff wedi medru dychwelyd i ysgolion yn ddiogel yn ystod cyfnod Covid.

PENDERFRYNWYD yn unfrydol i dderbyn yr adroddiad a chymeradwyo Opsiwn 1, sef cymeradwyo adroddiad manwl yr Adolygiad Blynyddol Iechyd a Diogelwch ynghyd â’r camau gweithredu a argymhellir i liniaru meysydd consyrn a risg.