Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o hysbysiad ymlaen llaw os dymunwch wneud hynny. Darperir gwasanaeth cyfieithu ar y pryd os gwneir cais.

Nodwyd na dderbyniwyd unrhyw geisiadau ar gyfer y gwasanaeth cyfieithu ar y pryd

Derbyn ymddiheuriadau.

Ni dderbyniwyd unrhyw ymddiheuriadau am absenoldeb.

Derbyn datganiadau buddiant a goddefebau.

Ni adroddwyd unrhyw ddatganiadau buddiant na goddefebau

Ystyried adroddiad yr Uwch Swyddog Trwyddedu.

Rhoddwyd ystyriaeth i adroddiad yr Uwch Swyddog Trwyddedu.

Ar ôl hynny hysbysodd y Cyfreithiwr yr Ymgeisydd am benderfyniad yr Is-bwyllgor.

Wrth ystyried y cais, dywedodd y Cyfreithiwr fod yr Is-bwyllgor wedi rhoi ystyriaeth i ddarpariaethau Deddf Trwyddedu 2003, yn neilltuol yr amcanion trwyddedu sef

·         Atal troseddu ac anrhefn

·         Diogelwch y cyhoedd

·         Atal niwsans cyhoeddus

·         Diogelu plant rhag niwed

Dywedodd y Cyfreithiwr bod yr Is-bwyllgor wedi rhoi ystyriaeth i Adran 87 Deddf Trwyddedu 2003, y canllawiau a gyhoeddwyd dan Ddeddf Trwyddedu 2003 a pholisi trwyddedu y Cyngor wrth drafod y cais.

Roedd yr Is-bwyllgor wedi ystyried y sylwadau ysgrifenedig a dderbyniwyd fel y’u cyflwynwyd yn adroddiad y Swyddog, ynghyd â’r sylwadau llafar a roddwyd yn y gwrandawiad ar ran yr Ymgeisydd a’r bobl eraill oedd yn bresennol.

Hysbyswyd yr Is-bwyllgor am y problemau difrifol a gafwyd yn yr ardal yn gysylltiedig â phobl yn defnyddio’r safle trwyddedig y gwneir y cais amdano. Dywedwyd y cafodd mynychwyr y safle eu clywed yn rhegi, gweiddi ac yn ymddwyn yn anrhefnus yn yr oriau mân. Bu hefyd adroddiadau am ymladd yng nghyffiniau’r safle ac roedd y digwyddiadau hyn ynghyd â’r s?n yn tarddu o’r Clwb yn tarfu’n gyffredinol ar breswylwyr yn yr ardal a theimlai preswylwyr fod hyn yn annerbyniol. Ychwanegodd y Cyfreithiwr y galwyd yr heddlu i’r safle nifer o weithiau oherwydd digwyddiadau yn y Clwb a’u bod wedi ceisio cysylltu gyda phwyllgor y Clwb i gael datrysiad. Roedd y Clwb hefyd wedi bod mewn trafodaethau gyda Thîm Iechyd yr Amgylchedd Blaenau Gwent i geisio a gwella dull rheoli/rhedeg y sefydliad.

Ystyriodd yr Is-bwyllgor y digwyddiadau niferus a fu yn ac o amgylch y Clwb a rhoddwyd ystyriaeth briodol i’r amodau a nodir yn yr adroddiad oedd yn ymlynedig i Dystysgrif y Clwb yn ogystal â’r rhai a nodir yn Atodiad 3 gan yr Heddlu, a cheisiodd sicrhau penderfyniad teg a chytbwys.

Wrth wneud ei benderfyniad, fe wnaeth yr Is-bwyllgor hefyd ystyried darpariaethau perthnasol Deddf Trwyddedu 2003 (yn neilltuol Adran 4) a’r canllawiau a gyhoeddwyd dan Adran 182 y Ddeddf a Pholisi Trwyddedu Cyngor Bwrdeistref Sirol Blaenau Gwent.

Wedyn dywedodd y Cyfreithiwr fod yr Is-bwyllgor wedi dod i’r penderfyniad dilynol:-

• Atal tystysgrif safle’r Clwb am gyfnod o 28 diwrnod. (D.S. Eglurwyd y byddai’r atal yn dod i rym ar ôl i’r cyfnod Apêl dechreuol o 21 diwrnod ddod i ben pe na chyflwynid apêl mewn llys).

Gwneir yr addasiadau dilynol i weithgareddau’r Clwb:-

• Cyflenwi alcohol rhwng dydd Llun a dydd Sul rhwng 11.00am a 11.00pm
• Oriau agor rhwng dydd Llun a dydd Sul rhwng 11.00am a 11.30pm
• Holl weithgareddau cymwys eraill y Clwb rhwng dydd Llun a dydd Sul rhwng 11.00am a 11.00pm.

Cytunwyd gosod yr amodau dilynol ar Dystysgrif Safle’r Clwb:-

• Rhaid i gamerâu CCTV gael eu monitro yn yr holl ardaloedd a ddefnyddir gan y sawl sy’n mynychu’r safle (heblaw’r toiledau) yn cynnwys unrhyw ardal allanol i fonitro niferoedd ac atal troseddu ac anrhefn.

·         Lle caiff system CCTV ei gosod, ei hymestyn neu ei hadnewyddu, rhaid iddi fod o safon  ...  view the full Cofnodion text for item 4.