Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o rybudd os dymunwch wneud hynny. Darperir gwasanaeth cyfieithu ar y pryd os gwneir cais am hynny.

Ni chafwyd unrhyw geisiadau am y gwasanaeth cyfieithu ar y pryd.

Derbyn ymddiheuriadau.

Ni chafwyd unrhyw ymddiheuriadau am absenoldeb.

Derbyn unrhyw ddatganiadau buddiant a goddefebau a wnaed.

Ni adroddwyd unrhyw ddatganiadau buddiant na goddefebau.

Derbyn penderfyniadau’r cyfarfod arbennig o’r Pwyllgor Safonau a gynhaliwyd ar 2 Mawrth 2023.

(Dylid nodi y cyflwynir y penderfyniadau er pwyntiau cywirdeb yn unig). 

Cyflwynwyd penderfyniadau’r Pwyllgor Safonau a gynhaliwyd ar 2 Mawrth 2023.

CYTUNODD y Pwyllgor i dderbyn y penderfyniadau fel cofnod gywir o’r trafodion.

Derbyn y Ddalen Weithredu yn deillio o’r cyfarfod arbewnnig a gynhaliwyd ar 2 Mawrth 2023.

Cyflwynwyd y Ddalen Weithredu yn deillio o’r cyfarfod a gynhaliwyd ar 2 Mawrth 2023.

Rhoddwyd y diweddariad dilynol:

·       Cynrychiolaeth Cynghorau Tref/Cymunedol mewn cyfarfodydd – Dywedodd y Swyddog Diogelu Data a Llywodraethiant ei fod yn disgwyl diweddariad yr wythnos ddilynol.

CYTUNODD y Pwyllgor, yn amodol ar yr uchod, i nodi’r ddalen weithredu.

Ystyried Adroddiad Blynyddol yr Ombwdsmon.

https://www.ombudsman.wales/annual-report-accounts/

Rhoddwyd ystyriaeth i’r elfen Ymddygiad yn Adroddiad Blynyddol yr Ombwdsmon, pan wnaed y pwynt dilynol:

·       Awgrymodd Aelod y dylai’r sawl sy’n cymryd rhan mewn cyfarfodydd ddefnyddio clustffonau wrth drafod gwybodaeth eithriedig mewn cyfarfodydd rhithiol – dywedodd y Swyddog Monitro y byddai’n cyfeirio’r mater hwn at y Pennaeth Gwasanaethau Democrataidd, Llywodraethiant a Phartneriaethau i’w drafod ymhellach.

CYTUNODD y Pwyllgor i nodi Adroddiad Blynyddol yr Ombwdsmon.

Ystyried atgyfeiriadau a wnaed i’r Ombwdsmon.

Gan roi ystyriaeth i’r farn a fynegwyd gan y Swyddog Priodol ynghylch y prawf cyhoeddus, sef o bwyso a mesur popeth fod y budd cyhoeddus mewn cynnal yr eithriad yn fwy na’r budd cyhoeddus mewn datgelu’r wybodaeth ac y dylai’r adroddiad gael ei eithrio.

PENDERFYNWYD eithrio’r cyhoedd tra cynhelir yr eitem hon o busnes gan ei bod yn debygol y byddai datgeliad o wybodaeth eithriedig fel y’i diffinir ym Mharagraff 12, Rhan 1, Atodlen 12A Deddf Llywodraeth Leol 1972 (fel y’i diwygiwyd).

Rhoddwyd ystyriaeth i adroddiad y Pennaeth Cydymffurfiaeth Cyfreithiol.

Mewn pleidlais,

CYTUNODD y Pwyllgor i symud ymlaen i wrandawiad ffurfiol.