Agenda and minutes

Mae croeso i chi ddefnyddio'r Gymraeg yn y cyfarfod, mae angen o leiaf 3 diwrnod gwaith o hysbysiad ymlaen llaw os dymunwch wneud hynny. Darperir gwasanaeth cyfieithu ar y pryd os gwneir cais.

Nodwyd na dderbyniwyd unrhyw geisiadau ar gyfer y gwasanaeth cyfieithu ar y pryd. 

Derbyn ymddiheuriadau.

Ni dderbyniwyd unrhyw ymddiheuriadau am absenoldeb.

Derbyn datganiadau buddiant a goddefebau.

Cynghorydd J. Mason – Eitem Rhif 6 – Cofnodion y Gweithgor Grantiau (Cronfa Eglwysi Cymru) (Cymdeithas Pensiynwyr Winchestown).

Ystyried cofnodion y cyfarfod a gynhaliwyd ar 22 Chwefror 2021.

Rhoddwyd ystyriaeth i gofnodion y cyfarfod a gynhaliwyd ar 22 Chwefror 2021.

PENDERFYNWYD cadarnhau’r cofnodion.

Ystyried cofnodion y cyfarfod o’r pwyllgor a gynhaliwyd ar 24 Chwefror 2021.

Rhoddwyd ystyriaeth i gofnodion y cyfarfod a gynhaliwyd ar 24 Chwefror 2021.

PENDERFYNWYD cadarnhau’r cofnodion.

Ystyried adroddiad y Prif Swyddog Adnoddau.

Rhoddwyd ystyriaeth i gofnodion y Gweithgor Grantiau a gynhaliwyd ar 10 Mawrth 2021.

Cyfeiriodd yr Arweinydd at y Cofnodion a dywedodd fod y Gweithgor wedi cytuno y dylid dilyn dull gweithredu cyson yn nhermau dyraniadau grant ar draws y gwahanol grwpiau ymgeisio os nad oedd sefydliad wedi gofyn am swm penodol is. Defnyddiwyd y rhesymeg hon ar gyfer eglwysi, capeli ac amgueddfeydd a chymdeithasau pensiynwyr, canolfannau cymunedol a thenantiaid a phreswylwyr.

Dywedodd yr Arweinydd y gwrthodwyd cais am grant ar gyfer cymdeithas gan y teimlai y byddid yn effeithio ar fuddiolwyr tebyg i eglwysi, capeli ac yn y blaen pe byddai grwpiau chwaraeon yn cael eu cefnogi yn y ffordd hon.

Dymunai’r Arweinydd ddiolch i’r swyddogion am y gwaith da i sicrhau y cytunwyd ar y grantiau hyn cyn 31 Mawrth yn unol â’r dyddiadau cau.

PENDERFYNWYD derbyn yr adroddiad a nodi’r wybodaeth a gynhwysir ynddo.

Ystyried adroddiad y Prif Swyddog Adnoddau.

Rhoddwyd ystyriaeth i adroddiad y Prif Swyddog Adnoddau.

PENDERFYNWYD derbyn yr adroddiad a nodi’r wybodaeth a gynhwysir ynddo.