Agenda and minutes

Mae croeso i chi ddefnyddio’r Gymraeg yn y cyfarfod, ond mae angen o leiaf 3 diwrnod gwaith o hysbysiad ymlaen llaw os dymunwch wneud hynny. Darperir gwasanaeth cyfieithu ar y pryd os gwneir cais.

Nodwyd na dderbyniwyd unrhyw geisiadau ar gyfer y gwasanaeth cyfieithu ar y pryd.

Derbyn ymddiheuriadau.

Derbyniwyd ymddiheuriadau am absenoldeb gan:-

Rheolwr Gyfarwyddwr

Pennaeth Gwasanaethau Cymunedol

Cynghorydd L. Elias

Cynghorydd G. Collier

Ystyried unrhyw ddatganiadau buddiant a goddefebau a wnaed.

Ni adroddwyd unrhyw ddatganiadau buddiant na goddefebau.

Ystyried adroddiad y Prif Swyddog Adnoddau.

Rhoddwyd ystyriaeth i adroddiad y Prif Swyddog Adnoddau.

Dywedodd y Prif Swyddog Adnoddau mai diben yr adroddiad yw rhoi diweddariad i Aelodau ar y Strategaeth Ariannol Tymor Canol (MTFS) a’r asesiad diweddaraf o sefyllfa ariannol y Cyngor dros y 5 mlynedd nesaf.

Siaradodd y Prif Swyddog Adnoddau am yr adroddiad a rhoddodd enghreifftiau o dybiaethau a ddefnyddiwyd o fewn y MTFS a thynnodd sylw at y bylchau cyllideb a aseswyd ar hyn y bryd ynghyd ag amcangyfrif o gyflawniad ariannol yr adolygiadau busnes strategol sydd wedi arwain at y bylchau gweddilliol yn y gyllideb drwy gydol cyfnod y MTFS (tan 2026/2027).

Cyfeiriodd y Prif Swyddog Adnoddau ymhellach at y dadansoddiad sensitifrwydd a dywedodd fod MTFS presennol y Cyngor yn cynnwys nifer o dybiaethau sy’n effeithio ar lefel yr incwm a’r gwariant. Nodwyd y gallai newidiadau yn y tybiaethau hyn gael effaith sylweddol ar y bwlch yn y gyllideb dros y 5 mlynedd nesaf. Adroddodd y Prif Swyddog ar yr effaith y gallai newid o 1% ei gael ar brif dybiaethau’r Cyngor.

Gorffennodd y Prif Swyddog Adnoddau ei chyflwyniad a gwahoddodd gwestiynau gan Aelodau.

Diolchodd Aelod i’r Prif Swyddog am yr adroddiad a’r briffiad dilynol a chynigiodd opsiwn 1. Eiliwyd y cynnig hwn.

CYTUNWYD derbyn yr adroddiad (Opsiwn 1) a bod Aelodau’r Pwyllgor Trosolwg Corfforaethol wedi:-

·         ystyried y MTFS;

·         nodi’r bwlch cyllid a ragwelir ar gyfer cyfnod y MTFS;

·         nodi’r pwysau cost a ddynodwyd yn Atodiad 1 y MTFS; a

·         nodi’r rhagolwg o gyflawniad ariannol ar gyfer yr Adolygiadau Busnes Strategol a nodir yn Atodiad 2 y MTFS.