Agenda and minutes

Mae croeso i chi ddefnyddio’r Gymraeg yn y cyfarfod, ond mae angen o leiaf 3 diwrnod gwaith o hysbysiad ymlaen llaw os dymunwch wneud hynny. Darperir gwasanaeth cyfieithu ar y pryd os gwneir cais.

Nodwyd na dderbyniwyd unrhyw geisiadau ar gyfer y gwasanaeth cyfieithu ar y pryd.

Derbyn ymddiheuriadau.

Derbyniwyd ymddiheuriadau am absenoldeb gan y Cynghorwyr L. Elias, M. Holland, T. Sharrem, B. Thomas a’r Prif Swyddog Masnachol a Chwsmeriaid.

Ystyried unrhyw ddatganiadau buddiant a goddefebau a dderbyniwyd.

Gwnaed y datgtaniadau dilynol o fuddiant:

Eitem Rhif 30: Cynllunio, Gweinyddu a Chost Etholiadau Lleol – 5 Mai 2022

-       Michelle Morris – Rheolwr Gyfarwyddwr (Swyddog Canlyniadau)

-       Rhian Hayden – Prif Swyddog Adnoddau (Dirprwy Swyddog Canlyniadau)

-       Andrea Jones – Pennaeth Cydymffurfiaeth Cyfreithiol a Chorfforaethol (Dirprwy Swyddog Canlyniadau)

Ar ôl derbyn cyngor, nodwyd y byddai’r swyddogion yn aros yn y cyfarfod os na chodir trafodaeth/cwestiynau manwl yn ymwneud â thaliadau penodol. Pe digwyddai hynny, byddai’r swyddogion yn gadael y cyfarfod.

Eitem Rhif 31: Adroddiad Blynyddol 2020/2021 Cyfarwyddwr Gwasanaethau Cymdeithasol

-       Cynghorydd Wayne Hodgins

Eitem Rhif 35: Rôl Anweithredol

-       Michelle Morris – Rheolwr Gyfarwyddwr

Cadarnhaodd y Rheolwr Gyfarwyddwr y byddai’n gadael y cyfarfod tra ystyrir yr eitem hon o fusnes.

Derbyn cyhoeddiadau’r Cadeirydd.

Cydymdeimlad

Mynegwyd cydymdeimlad gyda:

Ø  Theulu Moira Wilcox (gwraig y cyn Gynghorydd Don Wilcox) a fu farw

Ø  Teulu Eileen Davies (gwraig y cyn Gynghorydd Des Davies), a fu farw.

Dangosodd Aelodau a swyddogion eu parch gyda munud o dawelwch.

PENDERFYNWYD anfon llythyrau priodol at y teuluoedd.

Salwch

Ø  Dywedwyd y cafodd y Cynghorydd Lyn Elias lawdriniaeth yn ddiweddar.

PENDERFYNWYD anfon llythyr priodol.

Llongyfarchiadau

Estynnwyd llongyfarchiadau i:

Ø  Cymru Creations a wnaeth waith gwych i ddod â’r ?yl Ryngwladol Ffilmiau Plant i Flaenau Gwent.

Mae G?yl Ryngwladol Ffilmiau Plant Cymru wedi dathlu’r goreuon mewn rhaglenni ffilm rhyngwladol ar gyfer plant, myfyrwyr a gwneuthurwyr ffilm proffesiynol ym mhob rhan o’r byd. Roedd hyn yn cynnwys ffilmiau byr, ffilmiau nodwedd, animeiddiadau a ffilmiau sy’n ysbrydoli cenedlaethau iau.

Cynhaliwyd yr ?yl dros 2 ddiwrnod yn Nh? Bedwellte, Tredegar ar 14-16 Hydref, gan ddod i ben mewn digwyddiad carped coch i ddathlu’r enillwyr.

PENDERFYNWYD anfon llythyr priodol.

Cyflwynwyd y Llyfr Cofnodion ar gyfer y cyfnod Gorffennaf-Tachwedd 2021 i gael ei ystyried.

PENDERFYNWYD yn unfrydol i gadarnhau’r cofnodion.

Cadarnhau, ac os credir yn addas, gymeradwyo cofnodion y cyfarfod a gynhaliwyd ar 30 Medi 2021.

Cytunwyd.

Cadarnhau ac os credir yn briodol, gymeradwyo cofnodion y cyfarfod a gynhaliwyd ar 4 Tachwedd 2021.

Cytunwyd

Cadarnhau cofnodion y cyfarfod a gynhaliwyd ar 2 Medi 2021.

Cytunwyd.

Ystyried cofnodion y cyfarfod a gynhaliwyd ar 14 Hydref 2021.

Cytunwyd.

Cadarnhau cofnodion y cyfarfod a gynhaliwyd ar 18 Hydref 2021.

Cytunwyd.

Cadarnhau cofnodion y cyfarfod a gynhaliwyd ar 18 Hydref 2021.

Cytunwyd.

Ystyried cofnodion y cyfarfod arbennig o’r Pwyllgor Trwyddedu a gynhaliwyd ar 28 Hydref 2021.

Cytunwyd.

Cadarnhau cofnodion y cyfarfod o’r Pwyllgor Gweithredol a gynhaliwyd ar 22 Medi 2021.

Cytunwyd.

Cadarnhau cofnodion y cyfarfod a gynhaliwyd ar 10 Tachwedd 2021.

Cytunwyd.

Cadarnhau cofnodion y cyfarfod o’r Pwyllgor Craffu Gwasanaethau Cymunedol a gynhaliwyd ar 19 Gorffennaf 2021.

Cytunwyd.

Cadarnhau cofnodion y cyfarfod o’r Pwyllgor Craffu Gwasanaethau Cymdeithasol a gynhaliwyd ar 22 Gorffennaf 2021.

Cytunwyd.

Cadarnhau cofnodion y cyfarfod o’r Pwyllgor Llywodraethiant ac Archwilio a gynhaliwyd ar 27 Gorffennaf 2021.

Cytunwyd.

Cadarnhau cofnodion y cyfarfod o’r Pwyllgor Craffu Trosolwg Corfforaethol a gynhaliwyd ar 10 Medi 2021.

Cytunwyd.

Cadarnhau cofnodion y cyfarfod o’r Pwyllgor Craffu Addysg a Dysgu a gynhaliwyd ar 14 Medi 2021.

Cytunwyd.

Cadarnhau cofnodion y cyfarfod o’r Pwyllgor Craffu Adfywio a gynhaliwyd ar 15 Medi 2021.

Cytunwyd.

Cadarnhau cofnodion y cyfarfod o’r Pwyllgor Gwasanaethau Democrataidd a gynhaliwyd ar 17 Medi 2021.

Cytunwyd.

Cadarnhau cofnodion y cyfarfod arbennig o’r Pwyllgor Craffu Trosolwg Corfforaethol a gynhaliwyd ar 21 Medi 2021.

Cytunwyd.

Cadarnhau cofnodion y cyfarfod o’r Cydbwyllgor Craffu (Monitro’r Gyllideb) a gynhaliwyd ar 27 Medi 2021.

Cytunwyd.

Cadarnhau cofnodion y cyfarfod o’r Pwyllgor Craffu Gwasanaethau Cymunedol a gynhaliwyd ar 4 Hydref 2021.

Cytunwyd.

Cadarnhau cofnodion y cyfarfod o’r Pwyllgor Craffu Gwasanaethau Cymdeithasol a gynhaliwyd ar 7 Hydref 2021.

Cytunwyd.

Derbyn cwesdtiynau, oes oes rhai, gan Aelodau.

Ni chafodd unrhyw gwestiynau eu cyflwyno gan Aelodau.

Derbyn cwestiynau, os oes rhai, gan y cyhoedd.

Ni chafodd unrhyw gwestiynau eu cyflwyno gan aelodau o’r cyhoedd.

Ystyried adroddiad y Prif Swyddog Adnoddau.

Cyflwynwyd adroddiad y Prif Swyddog Adnoddau i gael ei ystyried.

Ar wahoddiad y Cadeirydd, siaradodd y Prif Swyddog Adnoddau am yr adroddiad sy’n cynnig newid i’r polisi Darpariaeth Isafswm Refeniw (MRP) ac esboniodd yr effaith y byddai hyn ei gael ar yr MRP wrth symud ymlaen.

Ar hynny, tynnodd y Prif Swyddog sylw at y pwyntiau perthnasol a gynhwysir ynddo:

-       Yn ystod Chwefror/Mawrth 2021, roedd y Cyngor wedi cyflogi Cynghorwyr Trysorlys i gynnal adolygiad o’r polisi MRP presennol. Roedd yr adolygiad wedi dynodi’r cyfle i newid dwy elfen o’r polisi cyfredol, a fyddai’n rhoi buddion cadarnhaol i’r Cyngor drwy ostwng y tâl MRP blynyddol tan 2031/32 ar gyfer benthyca heb ei gefnogi a 2057/58 ar gyfer benthyca a gefnogir.

Rhoddir manylion y newidiadau arfaethedig yn Adran 6 yr adroddiad a maent yn cynnwys:

·         newid yn yr elfen benthyca a gefnogir o’r MRP o 2% llinell syth i sail blwydd-dal 50-mlynedd; a

·         newid yn elfen benthyca heb gael ei gefnogi o’r MRP o sail blwydd-dal i sail blwydd-dal cyfartalog wedi ei bwysoli.

-       Nodwyd fod y dull blwydd-dal yn rhoi cost tecach na rhandaliadau cyfartal oherwydd ei fod yn rhoi ystyriaeth i werth amser, er enghraifft mae talu £100 mewn 10 mlynedd yn llai o faich na thalu £100 yn awr.

-       Cynigiwyd hefyd y byddai dull symlach arall yn defnyddio dull oes ased cyfartalog ar sail blwydd-dal ar gyfer pob prosiect cyfalaf benthyca heb ei gefnogi bob blwyddyn yn hytrach nag ar brosiectau unigol.

-       Roedd angen i’r Cyngor benderfynu ar lefel o MRP a ystyriai yn ddarbodus, gan roi ystyriaeth i’r canllawiau MRP a gyhoeddwyd gan Lywodraeth Cymru. Nodwyd fod y newidiadau arfaethedig yn gydnaws â’r enghreifftiau a roddwyd o fewn Canllawiau Llywodraeth Cymru ar yr MRP a rhoddir manylion hyn yn Atodiad 1 yr adroddiad.

-       Mae’r tabl ym mharagraff 5.1.1 yr adroddiad yn dangos effaith cost MRP a fyddai gan y fethodoleg ac os cytunwyd, disgwylid i’r polisi diwygiedig ostwng cost MRP o 2022/23 ymlaen.

-       Dan y polisi presennol amlygwyd y byddai’r cost MRP 2022/23 yn £4.47m yn gostwng i £1.74m dan y polisi diwygiedig ac y byddai’n cynyddu ym mlynyddoedd y dyfodol. Felly, yn seiliedig ar dybiaethau cyfredol yr MTFS, yn fwy na £750,000. Fodd bynnag, hysbyswyd Aelodau y cafodd yr adroddiad ei ystyried ers hynny yn y Pwyllgor Craffu Trosolwg Corfforaethol ym mis Gorffennaf. Cynhaliwyd dadansoddiad manwl pellach ac amcangyfrifir yn awr fod yr effaith gadarnhaol yn £1.3m.

-       Er yr amcangyfrifwyd y byddai’r cost MRP yn cynyddu mewn blynyddoedd dilynol, byddai’r cost hwn yn is na’r amcangyfrifon presennol a byddai’n lliniaru rhai o’r pwysau cost a ddynodwyd yn flaenorol a gostwng y bylchau presennol a aseswyd yn y gyllideb. Roedd yn bwysig nodi fod y newidiadau hyn yn ddarpariaethol ac na chynigir diwygio unrhyw gyfrifiad blynyddoedd blaenorol, ac er bod yr MRP yn ofyniad o God Ymarfer CIPFA, mae dal i fod angen i’r Cyngor godi swm darbodus i’r cyfrif incwm a gwariant i lanw’r taliadau ar ddyledion heb eu talu. Nodwyd  ...  view the full Cofnodion text for item 28.

Ystyried adroddiad y Prif Swyddog Adnoddau.

Rhoddwyd ystyriaeth i adroddiad y Prif Swyddog Adnoddau.

Siaradodd y Prif Swyddog Adnoddau yn fyr am yr adroddiad sy’n rhoi diweddariad ar y Strategaeth Ariannol Tymor Canol (MTFS) a’r asesiad diweddaraf o sefyllfa ariannol y Cyngor dros y 5 mlynedd nesaf.

Mae’r MTFS yn dod ynghyd â’r holl ffactorau hysbys sy’n effeithio ar sefyllfa ariannol y Cyngor ac yn ffurfio’r sail ar gyfer gwneud penderfyniadau ac yn cynnwys rhagolwg dros y pum mlynedd nesaf i asesu’r gofynion gwariant y mae’r Cyngor yn debyg o’u hwynebu i gyflenwi’r blaenoriaethau a nodir yn y Cynllun Corfforaethol ac yn amlygu lefel y toriadau (gostwng neu atal gwasanaethau) y byddai angen eu gwneud i sicrhau y gallai’r Cyngor osod cyllideb gytbwys bob blwyddyn.

Mae’r MTFS arfaethedig yn broses a dull ailadrodd a fyddai’n datblygu a chael eu mireinio wrth i’r sefyllfa cyllid gan Lywodraeth Cymru ddod yn gliriach ac adolygiadau busnes strategol yn cael eu datblygu a’u gweithredu ymhellach.

Yn seiliedig ar y tybiaethau yn y MTFS a’r pwysau cost a ddynodir yn Atodiad 2 yr adroddiad, nodwyd y rhagwelir bwlch cyllideb o £21m dros y 5 mlynedd nesaf ac yn seiliedig ar yr amcangyfrif cyfredol o’r hyn a gyflawnir gan yr Adolygiadau Busnes Strategol o gymharu gyda’r bwlch cyllideb a ddynodir yn y MTFS, mae bwlch cyllid gweddilliol o £4m yn 2022/23 ac mae hyn yn amrywio rhwng £2.3m a £2.7m mewn blynyddoedd dilynol.

Mae MTFS presennol y Cyngor yn cynnwys nifer o dybiaethau sy’n effeithio ar lefel ei incwm a gwariant. Gallai newidiadau yn y tybiaethau hyn gael effaith sylfaenol ar y bwlch cyllideb dros y 5 mlynedd nesaf. Cafodd effaith newid 1% ar y prif dybiaethau ei gyfrif a rhoddir manylion hynny ym mharagraff 5.2.2 yr adroddiad.

Daeth y Prif Swyddog i ben drwy ddweud fod y Cyngor yn defnyddio’r MTFS ar gyfer dibenion cynllunio i roi arwydd o’r asesiadau ariannol am y 5 mlynedd nesaf ac yn rhan o fframwaith rheoli ariannol y Cyngor. Caiff hyn ei ddilyn gan ddatblygu a chytuno ar y gyllideb flynyddol a fyddai’n dechrau yn dilyn cadarnhad o setliad darpariaethol llywodraeth lleol a ddisgwylir o setliad Llywodraeth Cymru ar 22 Rhagfyr 2021.

Cyfeiriodd Aelod at y gofynion gwariant dros y 5 mlynedd nesaf a gofynnwyd os y gwnaed darpariaethau ariannol o fewn yr MTFS yng nghyswllt CCTV a’r gwaith iechyd, diogelwch a chydraddoldeb a ddynodwyd yng Ngwarchodfa Natur Cwmcelyn. Byddai angen buddsoddiad ariannol yn y ddau faes hyn yn y 5 mlynedd nesaf.

Dywedodd y Prif Swyddog Adnoddau fod y gyllideb ddrafft wedi cynnwys darpariaeth ar gyfer CCTV yn seiliedig ar y ddarpariaeth cyllid presennol oedd wedi cynyddu’n gronnus gan ymchwydd 2% oherwydd chwyddiant. Nodwyd y cyflwynir adroddiad drwy’r broses ddemocrataidd yn yr ychydig fisoedd nesaf yng nghyswllt darpariaeth CCTV ac os oedd gofynion pellach y dylid eu hystyried, caiff hyn ei gynnwys yn y pwysau cost a’r gyllideb unwaith y derbyniwyd y cyhoeddiad gan Lywodraeth Cymru. Yng nghyswllt Gwarchodfa Natur Cwmcelyn, ni wyddai’r swyddog am unrhyw ddyraniad penodol a neilltuwyd ar gyfer y gweithiau  ...  view the full Cofnodion text for item 29.

Ystyried adroddiad y Pennaeth Datblygu Sefydliadol.

Rhoddwyd ystyriaeth i adroddiad y Pennaeth Datblygu Sefydliadol.

Ar wahoddiad y Cadeirydd, siaradodd y Rheolwr Datblygu Sefydliadol – Cyflogres, Iechyd a Diogelwch am yr adroddiad sy’n cynnwys y prif gynigion a gynhwysir yn adroddiad drafft 2022/23 Panel Annibynnol Cymru ar Gydnabyddiaeth Ariannol (y Panel) fel y cyfeiriant at Gyngor Bwrdeistref Sirol Blaenau Gwent. Aeth y swyddog ymlaen drwy dynnu sylw at y pwyntiau dilynol:

-       Mae’n ofyniad gan Fesur Llywodraeth Leol (Cymru) fod Adroddiad Blynyddol y Panel yn dod i rym o 1 Ebrill ac yn y rhan fwyaf o flynyddoedd mae hyn yn gydnaws gyda threfniadau ariannol a gweinyddol pob awdurdod. Fodd bynnag, pan etholir cynghorau newydd, byddai rhai o benderfyniadau’r Panel yn dod i rym ar gyfer y tymor bwrdeisiol newydd.

Byddai’r trefniadau bwrdeisiol newydd yn dod i rym ar 9 Mai 2022 yn dilyn yr etholiadau llywodraeth leol. Felly mae gan yr Adroddiad Blynyddol ddau ddyddiad gweithredu gwahanol fel a nodir islaw:

Ar gyfer y cyfnod 1 Ebrill 2022 i 8 Mai 2022, byddai’r holl benderfyniadau a gynhwysir yn Adroddiad Blynyddol 2021/22 Panel Annibynnol Cymru ar Gydnabyddiaeth Ariannol yn parhau i fod mewn grym yng nghyswllt prif gynghorau a chynghorau cymuned a thref.

Yn weithredol o 9 Mai 2022 (y flwyddyn fwrdeisiol newydd), byddai’r penderfyniadau a nodir yn Adrannau 3 a 13 yr adroddiad yn weithredol i brif gynghorau a chynghorau cymuned a thref.

-       Nodwyd y caiff cyflog sylfaenol cynghorwyr prif gynghorau a etholir yn etholiadau lleol Mai 2022 ei ailosod i alinio gydag Arolwg Blynyddol Enillion fesul Awr (ASHE) 2020 ac y byddai’r swm hwn yn £16,800.

-       Mae Tabl 2.3.3 yn rhoi manylion talu cyflogau sylfaenol ac uwch gyflogau ar gyfer 2022/23. Mae’r cynnydd a gynigir yn amrywio o 10.5% i 19%.

Daeth y Rheolwr Datblygu Sefydliadol – Cyflogres, Iechyd a Diogelwch i ben drwy amlinellu’r opsiynau a gynhwysir ym mharagraff 3 yr adroddiad.

Dywedodd Cadeirydd y Pwyllgor Gwasanaethau Democrataidd fod y Pwyllgor wedi ystyried y drafft adroddiad a’i drafod yn faith ar 8 Tachwedd 2021. Teimlai’r Pwyllgor yn gryf na fedrai gefnogi’r cynnydd gormodol a gynigiwyd yn lefelau cydnabyddiaeth ariannol a nodir yn nrafft adroddiad y Panel ar gyfer 2022/23 (ar wahân i’r argymhellion yn cyfeirio at y cyfraniadau tuag at gost gofal a chymorth personol) yn yr hinsawdd presennol o lymder fel canlyniad i Covid-19, cynnig tâl isel y Llywodraeth i staff y Cyngor o 1.75% ac i weithwyr GIG a roddodd eu hunain mewn risg drwy gydol y pandemig ac oherwydd y sefyllfa fod rhai gweithwyr allweddol yn dal i ennill yr isafswm cyflog.

Mewn ymateb i gwestiwn, dywedodd y Rheolwr Datblygu Sefydliadol fod y galw yn isel iawn yn nhermau hawliadau am gost gofal a chymorth personol.

Ategodd Arweinydd y Gr?p Llafur sylwadau Cadeirydd y Pwyllgor Gwasanaethau Democrataidd a dywedodd y credai’r Gr?p Llafur a’r Gr?p Annibynnol Lleiafrifol nad dyma’r amser cywir i gynnig unrhyw gynnydd mewn lefelau cydnabyddiaeth ariannol a dywedodd fod angen i Aelodau gefnogi’r gweithlu ar yr adeg yma.

Aeth ymlaen drwy gyfeirio at  ...  view the full Cofnodion text for item 30.

Ystyried adroddiad y Rheolwr Gyfarwyddwr (yn rôl Swyddog Canlyniadau Etholiadau Llywodraeth Leol).

Datganwyd buddiant gan Michelle Morris, Rheolwr Gyfarwyddwr (Swyddog Canlyniadau), Rhian Hayden, Prif Swyddog Adnoddau (Dirprwy Swyddog Canlyniadau) ac Andrea Jones, Pennaeth Cydymffurfiaeth Cyfreithiol a Chorfforaethol (Dirprwy Swyddog Canlyniadau) ond fe wnaethant aros yn y cyfarfod tra ystyriwyd yr eitem hon o fusnes, ar y ddealltwriaeth y byddent yn gadael pe dymunai Aelodau drafod mater ffioedd.

Gadawodd y Cynghorydd T. Smith y cyfarfod ar y pwynt hwn.

Rhoddwyd ystyriaeth i adroddiad y Rheolwr Gyfarwyddwr (yn rôl Swyddog Canlyniadau ar gyfer Etholiadau Llywodraeth Leol).

Siaradodd y Rheolwr Gyfarwyddwr (yn rôl Swyddog Canlyniadau Etholiadau Llywodraeth Leol) am yr adroddiad yn ceisio cymeradwyaeth ar gyfer y gofynion adnoddau a chyllid yng nghyswllt yr etholiadau lleol arfaethedig ym mis Mai 2022. Mae’r adroddiad hefyd yn gofyn am gymeradwyaeth am daliadau staff a rhoddodd esboniad o’r prif gyfrifoldebau wrth weinyddu etholiadau lleol yn effeithiol.

Cyfeiriwyd at Adran 2 yr adroddiad a hysbyswyd Aelodau yn nhermau Cyfrif a Datgan Canlyniadau ar gyfer yr etholiadau ar gyfer y Cyngor Bwrdeistref Sirol a hefyd y Cynghorau Tref/Cymuned, sydd yn yr un modd â’r rhan fwyaf o gynghorau Cymru, y cynhelir hyn y diwrnod ar ôl y bleidlais h.y. ddydd Gwener 6 Mai 2022.

Yn ychwanegol, unwaith y cyhoeddwyd yr Hysbysiad Etholiad ar 18 Mawrth 2022, cynigiwyd wedyn y byddai busnes ffurfiol y Cyngor yn dod i ben yn ystod y cyfnod cyn yr etholiad h.y. ni chynhelir unrhyw gyfarfodydd o’r cyngor neu bwyllgorau, os nad oes fusnes brys sydd angen ei drin.

Aeth y Rheolwr Gyfarwyddwr ymlaen drwy ddweud, ers paratoi’r adroddiad yn cadarnhau’r adroddiad, y derbyniwyd y Datganiad Gweinidogol y byddai Blaenau Gwent yn un o’r pedwar awdurdod ynghyd â Thorfaen, Caerffili a Phen-y-bont ar Ogwr a fyddai’n cymryd rhan Peilot Pleidleisio Cynnar ar gyfer yr etholiadau llywodraeth leol yn y Gwanwyn.

Mae gwaith yn mynd rhagddo ar hyn o bryd gyda Choleg Gwent i dargedu pleidleiswyr tro cyntaf 16-17 oed a sefydlu gorsaf bleidleisio cynnar ar y dydd Mawrth a’r dydd Mercher cyn y diwrnod pleidleisio arferol ddydd Iau 5 Mai. Nodwyd y caiff pleidleisio cynnar ei ymestyn i’r holl breswylwyr sy’n gymwys i bleidleisio yn y Fwrdeistref Sirol ac y cyhoeddir cyfathrebiad i’r diben hwnnw ar yr adeg priodol. Er fod cost y cynllun peilot yn ychwanegol at y gyllideb o £140,000, byddai’r gwariant ychwanegol hwn yn cael ei dalu gan Lywodraeth Cymru ac felly ni fyddai hyn yn cael unrhyw effaith ariannol ar gyllideb y Cyngor.

Mewn ymateb i gwestiwn ynghylch ymgysylltu â Chynghorwyr, cyfeiriodd y Rheolwr Gyfarwyddwr at yr adroddiad sy’n nodi’r prif feysydd gweithgaredd a dywedodd fod un o’r elfennau hyn yn cynnwys briffiadau i ymgeiswyr ac asiantau. Cynhelir briffiadau yn gynnar yn y flwyddyn newydd gyda darpar ymgeiswyr a chynhelir briffiad pellach i ymgeiswyr yn dilyn enwebiadau. Felly byddai nifer o gyfleoedd i ymgeiswyr dderbyn briffiadau ar y cynllun peilot a sut y byddai’r pleidleisio cynnar yn gweithredu yn ymarferol.

Mewn ymateb i gwestiwn, cadarnhawyd mai’r isafswm oed oedd 18 ar gyfer i unigolyn sefyll fel ymgeisydd mewn etholiad.

Mewn ymateb i  ...  view the full Cofnodion text for item 31.

Ystyried adroddiad y Cyfarwyddwr Corfforaethol Gwasanaethau Cymdeithasol.

Datganodd y Cynghorydd W. Hodgins fuddiant yn yr eitem hon ond arhosodd yn y cyfarfod pan oedd yn cael ei ystyried.

Ystyriodd Aelodau adroddiad y Cyfarwyddwr Corfforaethol Gwasanaethau Cymdeithasol.

Dywedodd y Cyfarwyddwr Corfforaethol fod Deddf Gwasanaethau Cymdeithasol a Llesiant (Cymru) 2014 yn gosod dyletswydd statudol ar bob awdurdod lleol i baratoi adroddiad blynyddol ar weithredu ei swyddogaethau gwasanaethau cymdeithasol. Yr arfer yw i’r Pwyllgor Craffu Gwasanaethau Cymdeithasol ystyried yr adroddiadau perfformiad chwarterol ond mae’r pandemig wedi tarfu ar y dull adrodd. Yn ychwanegol, dim ond ddechrau’r hydref yr adroddwyd gwybodaeth 2019/20 gan y cafodd hyn ei ohirio oherwydd y pandemig.

Aeth y Cyfarwyddwr Corfforaethol ymlaen drwy ddweud fod yr adroddiad yn rhoi sylw i’r cyfnod Ebrill 2020 – Mawrth 2021 a rhoddodd fanylion sut mae gwasanaethau cymdeithasol yn parhau i gyflawni ei swyddogaethau yn ystod y pandemig, a’r cynnydd a wnaed mewn nifer o feysydd. Nodwyd y cafodd y manylion yn yr adroddiad ei ddarparu’n flaenorol i Aelodau fel rhan o ymateb y Gyfarwyddiaeth i’r pandemig.

Ychwanegodd y Cyfarwyddwr Corfforaethol y cafodd gwaith y gyfarwyddiaeth ei ddilysu mewn modd cadarnhaol gan Wiriad Sicrwydd Edrych yn Ôl Arolygiaeth Gofal Cymru a gynhaliwyd ar 17 – 21 Mai yn eu llythyr 11 Mehefin 2021. Roedd yr ymweliad hwn wedi ystyried pa mor dda yr oedd yr awdurdod lleol wedi cyflawni ei swyddogaethau statudol i gadw pobl sydd angen gofal a chymorth a gofalwyr oedd angen cymorth yn ddiogel a hyrwyddo llesiant yn ystod y pandemig. Roedd y Pwyllgor Craffu Gwasanaethau Cymdeithasol wedi ystyried yr adroddiad ar 7 Hydref 2021 ac wedi cymeradwyo Opsiwn 1.

Croesawodd Aelod yr adroddiad a mynegodd ei ddiolch i staff a swyddogion y Gyfarwyddiaeth Gwasanaethau Cymdeithasol oedd wedi gweithio’n ddiflino drwy gydol y cyfnod 2-flynedd i gefnogi’r llai abl yn y Fwrdeistref Sirol.

Dywedodd yr Aelod Gweithredol Gwasanaethau Cymdeithasol fod yr adroddiad yn amlygu ac yn dangos parodrwydd, hyblygrwydd a phenderfyniad staff yn gweithio mewn partneriaeth ar draws yr adran sydd wedi diogelu mwyafrif gwasanaethau yn ystod y pandemig a diogelu’r mwyaf bregus yn y gymuned. Roedd y gwaith hwn wedi parhau dan bwysau a heriau parhaus oedd yn newid yn ddyddiol a mynegodd ei werthfawrogiad personol i bawb oedd yn gysylltiedig. ar hynny cynigiodd gymeradwyo Opsiwn 1. Eiliwyd y cynnig hwn.

PENDERFYNWYD yn unfrydol i dderbyn yr adroddiad a chymeradwyo Opsiwn 1, sef Adroddiad Blynyddol 2020/21 y Cyfarwyddwr Gwasanaethau Cymdeithasol a’i gyflwyno i’r Arolygiaeth Gofal Cymru.

Ystyried adroddiad y Rheolwr Gwasanaeth Diogelu’r Cyhoedd.

Rhoddwyd ystyriaeth i adroddiad y Rheolwr Gwasanaeth Diogelu’r Cyhoedd.

Siaradodd y Cyfarwyddwr Corfforaethol Adfywio a Gwasanaethau Cymunedol am yr adroddiad a dywedodd y cynhelir adolygiad o’r Polisi Gamblo bob tair blynedd. Nodwyd fod y Pwyllgor Trwyddedu Statudol ar 28 Hydref 2021 wedi ystyried a chymeradwyo’r polisi diwygiedig.  Os byddai’r polisi yn cael ei weithredu, byddai’n dod i rym ar 31 Ionawr 2022.

Mewn ymateb i gwestiwn, cadarnhawyd mai dim ond un cais yn ymwneud â mân welliant gweinyddol y gofynnwyd amdano.   Nodwyd y caiff gwelliannau eu hamlygu fel arfer o fewn y ddogfen polisi ond na dderbyniwyd unrhyw welliannau hyd yma.

PENDERFYNWYD yn unfrydol i dderbyn yr adroddiad a chymeradwyo Opsiwn 1, sef cymeradwyo’r Polisi Gamblo a adolygwyd.

Ystyried yr adroddiad amgaeedig.

Rhoddwyd ystyriaeth i:

Cyngor Iechyd Cymuned Aneurin Bevan

-       penodi dau gynrychiolydd i’r uchod.

Ni dderbyniwyd unrhyw enwebiadau ar gyfer y swyddi hyn.

panel Ymgynghorol ar gyfrer Llywodraethwyr Awdurdodau Lleol

Gwnaed yr argymhellion dilynol gan y Panel ar 12 Hydref 2021 i benodi:

Ysgol Gynradd Rhiw Beaufort – Mr Rhion Hollister

Ysgol Gynradd Sofrydd – Mr Paul Maddy

Gwnaed yr argymhellion dilynol gan y Panel ar 15 Tachwedd 2021 i benodi:

Canolfan yr Afon  – Mr. Richard Barrett; Ms. Lesley Bush;

                                Ms. Jenna Underey; Ms. Hannah Moncreiff

Ysgol Gynradd Coed-y-Garn – Mr. Raffi Abbas

Cymuned Ddysgu Ebwy Fawr - Cynghorydd D. Davies

Ysgol Gynradd Bryn Bach – Ms. Diane Rowberry

Dilynodd trafodaeth am gylch gorchwyl y Panel Ymgynghorol ar gyfer Llywodraethwyr Awdurdodau Lleol a’r broses bleidleisio a ddefnyddiwyd yng nghyfarfod y Panel ar 15 Tachwedd 2021 ar gyfer penodi llywodraethwyr ychwanegol i ysgol neilltuol a gafodd hysbysiad rhybudd statudol.

Cadarnhawyd nad yw’n rheidrwydd cyflwyno’r ceisiadau hyn i’r Panel ond y cawsant eu rhannu er gwybodaeth er mwyn i’r Panel ddeall y dull gweithredu a ddilynir. Nododd y Cyfarwyddwr Corfforaethol Addysg y sylwadau a wnaed a byddai’n egluro sefyllfa yr apwyntiadau hyn ar gyfer trefniadau yn y dyfodol. Fodd bynnag, ei ddealltwriaeth o’r cyngor a gafwyd gan Adran Cefnogi Llywodraethau y Gwasanaeth Cyflawni Addysg oedd fod yr awdurdod o fewn ei hawliau i benodi llywodraethwyr ychwanegol heb gynnal pleidlais.

PENDERFYNWYD yn unfrydol, yn amodol ar yr uchod, i gymeradwyo’r apwyntiadau uchod.

Derbyn ac ystyried yr adroddiad dilynol sydd ym marn y swyddog priodol yn eitem eithriedig gan roi ystyriaeth i’r prawf budd cyhoeddus ac y dylai’r wasg a’r cyhoedd gael eu heithrio o’r gyfarfod (mae’r rheswm am yr eithriad ar gael ar restr a gedwir gan y swyddog priodol).

Derbyn ac ystyried yr adroddiadau dilynol sydd ym marn y swyddog priodol yn eitemau eithriedig gan roi ystyriaeth i’r prawf budd cyhoeddus ac y dylai’r wasg a’r cyhoedd gael eu heithrio o’r cyfarfod (mae’r rhesymau am y penderfyniadau am yr eithriad ar gael ar restr a gedwir gan y swyddog priodol).

Ystyried adroddiad y Pennaeth Datblygu Sefydliadol.

Datganodd y Rheolwr Gyfarwyddwr fuddiant yn yr eitem hon a gadael y cyfarfod ar y pwynt hwn.

Gan roi ystyriaeth i’r farn a fynegwyd gan y Swyddog Priodol am y prawf budd cyhoeddus, o bwyso a mesur popeth, fod y budd cyhoeddus mewn cynnal yr eithriad yn fwy na’r budd cyhoeddus mewn datgelu’r wybodaeth hon ac y dylai’r adroddiad gael ei eithrio.

PENDERFYNWYD eithrio’r cyhoedd tra bod yr eitem hon o fusnes yn cael ei thrin gan ei bod yn debygol y byddai datgeliad o wybodaeth eithriedig fel y’i diffiniwyd ym Mharagraffau 12 a 13, Atodlen 12 Deddf Llywodraeth Leol 1972 Deddf Llywodraeth Leol 1972 (fel y’i diwygiwyd).

Rhoddwyd ystyriaeth i adroddiad y Pennaeth Datblygu Sefydliadol.

Yn dilyn trafodaeth,

PENDERFYNWYD yn unfrydol fod yr adroddiad sy’n ymwneud â materion staffio yn cael ei dderbyn a chymeradwyo Opsiwn 1, sef cefnogi cais y Rheolwr Cyfarwyddwr i gymryd rôl anweithredol Aelod Annibynnol ar y Cydbwyllgor Archwilio ar gyfer Comisiynydd Heddlu a Throseddu Dyfed Powys.

Ystyried adroddiad y cyfarfod a gynhaliwyd ar 28 Medi 2021.

Gan roi ystyriaeth i’r farn a fynegwyd gan y Swyddog Priodol am y prawf budd cyhoeddus, o bwyso a mesur popeth, fod y budd cyhoeddus mewn cynnal yr eithriad yn fwy na’r budd cyhoeddus mewn datgelu’r wybodaeth hon ac y dylai’r adroddiad gael ei eithrio.

PENDERFYNWYD eithrio’r cyhoedd tra bod yr eitem hon o fusnes yn cael ei thrin gan ei bod yn debygol y byddai datgeliad o wybodaeth eithriedig fel y’i diffiniwyd ym Mharagraffau 12 a 13, Atodlen 12 Deddf Llywodraeth Leol 1972 Deddf Llywodraeth Leol 1972 (fel y’i diwygiwyd).

Rhoddwyd ystyriaeth i adroddiad y cyfarfod a gynhaliwyd ar 28 Medi 2021.

PENDERFYNWYD yn unfrydol i dderbyn yr adroddiad sy’n ymwneud â materion staffio a chynnig swydd i Sarah King ar gyflog yn unol â

JNC 3 (£63,742 - £70,115).